احدٍ بشغله يبي يرضي معازيبه

[الطائر المهاجر]

احدٍ بشغله يبي يرضي معازيبه= واحد ضميره بشغله دوم ميزانه
هذا شفوقٍ على الدنيا بمطاليبه= وهذا ولا همّته لو زاد خسرانه
وانا بليت بضميرٍ من تسابيبه = ما صار لي شان مثل اللي اعتلى شانه
ممن عرف كيف يتسلّق باساليبه = حتى وصل شي ما وصلوه جدانه
مافاد علمي ولا انجازي وترتيبه= وجيبٍ عفيفٍ ولا فكري وأشجانه
ولا من تفكّرت في الوضع وتراكيبه= ادركت معنى الرجل الْسانه حصانه
يطمر به اسوار لو بانت عذاريبه= يرفعه فوقٍ ولو هو درو باقرانه
كل ما يبي سم..حاضر..عند تنبيبه= لو شاف اكبر غلط معقودٍ لسانه
يمشي بذله فلا من عز او هيبه = مادام يكسب ولو يوطى على امتانه
وهذا السبب مجتمعنا زاد تغريبه= لاهو تقدّم ولا هو حافظ اركانه
فساد مستشريٍ ياصعب تطبيبه = واللي نزيه وأمينٍ خاسر رهانه

[زهرة اللوتس]

الله الله

المبدع / الطائر المهاجر

مااجمل هذا السبك والحبك ..باسلوب راااقي

لاجديد ابدااع لايستغرب عليك فأنت من الشعراء المبدعييين

صح لسااااانك ملايييييييييين ولاتكفي

لك تحيااااتي



زهرة

[نجم الإبداع]

صح لسانك دكتورنا الفاضل

نص حكيم

لاهنت

تقبل مروري

وودي

[الـزلـزال]

وانا بليـت بضميـرٍ مـن تسابيبـه=ما صار لي شان مثل اللي اعتلى شانه
ممن عرف كيـف يتسلّـق باساليبـه=حتى وصل شي مـا وصلـوه جدانـه

الطائر المهاجر

قصيده موجهه بكل أتقان وجزاله

من شاعر أعتدنا منه الجزاله والحكمه والتصويب الهادف

عاداتك غالينا تضع النقط فوق الحروف

وعاداتك الجزاله والتحليق الشعري المميز

صح لسانك ملايين ملايين

ولك فائق تحياتي وتقديري

[ياسر عبدالرحمن الخالدي]

الله الله

صح لسانك ياشاعرنا صح لسانك

[حي الضمير]

عز الله في هالزمن النزيه خاسر رهانه
وبيض الله وجهك يابوعبدالله
قصيده في الصميم
ومميز كعادتك يابحر

[عبدالعزيز العمار]

أبو عبدالله

صح لسانك وجاد بيانك ...

دائما مبدع وممتع ماتجيب الا الجزل لاهنت ...

تقبل اجمل تحيه وتقدير ..

فيض ودي اليك..

[الأموره]

المهآجر ..~

لا تأتي الا بالدرر ..~

فلا جديد اجده هنآ ..~

تبارك الرحمن ..~

صح لسانك ملاايين يخوي ..~

سلمت و سلم فكرك ..~

الف شكر لك ..~

دمت برعاية الخالق ..~

[منيع]

في الصميم
شكرا لك
تحياتي

[مبروك بن ماضي]

شاعر العثمانيات : الطاير المهاجر
حضرت هنا لآخذ حصه في مدرستك الشعرية الظافره
0
0
كنت ولازلت يادكتور تروي الذائقه باطروحاتك الشعرية المميزه
دام فكرك الواعي وسردك الابداعي
سجل إعجابي بلا حدووووووووووود
ولازال شعرك (شاهدٌ على الشعر)
وتفضل بقبول تحياتي واحترامي الكبيرين
أخوك / بن ماضي