فالو تعلم كيف نفعيل الاشعار!

[نجم الإبداع]

قالو تقطّع قلت ماني بمجبور= قالو تعلم كيف تفعيل الاشعار
قلت اتركوني ياجماعه على الفور=مالي بعلم الفعلله تحت مسبار
يفعللون الجزل والجزل مخبور=ماهو بحاجة فعلله ياهل الاشوار
الشعر نبض الروح ماهوب طنبور=من هاجس الشاعر على صحن دوار
من التراث اختار بحره ولا احور=يوم ان غيري قطّعه وقت الاسحار
شعري من الهاجس بميزان مقفور=من بحر زاخر لؤلؤه داخل محار
ضاري على الفطره ولا يعرف الزور=متسلسل الفكره مسلي للابصار
ماهو كما الي فعللو الحرف مبتور=متشوش الفكره وراعيه محتار
شعري شعوري مايخالفني الدور=يوم ان راعي الفعلله به تندار
مافعلل القيفان عنتر ومستور = ولا الفرزدق يابعيدين الانضار
الفعلله ميزان قاصر ومقهور =اما على الشيله جرى القاف مدرار
ياليت بعض الناس يسكت ومشكور=لانافعه علمه ولا هو لاحد ضار
الي ليا منه كتب قاف منخور = كنه ملك فارس وهو خلف الاسوار
يمدح كراسيعه ويستجدي البور=مايطرب الا عند دقاقة الطار
والا الذي لامن بدى غير الدور=لاصوّب اهدافه ولا مدفعه ثار
علم العروض اضن به جرح مخطور=لابين الصوره ولا حط معيار
على الفصيح الفعلله والنبط زور= ثوب الفصيح اضيق وثوب النبط زار
شعري على الفطره وشيلات من نور=والفعلله مالي بها بين الاخطار
تكفيني الشيلات من عقد بلور = يطرب لها السامع وتزهى بها الدار
هذا كلام الصدق من كل مشهور=والعلم واضح تاتناقله الاخبار

[داعي الشوق]

الي ليا منـه كتـب قـاف منخـور
كنه ملك فارس وهو خلف الاســـوار

يمدح كراسيعه ويستجـدي البـور
مايطـرب الا عنـد دقاقـة الطــــــــــار

،،،،،،،،،،،،،،،،،،

صح لسانك يالنجم

مايطـرب الا عنـد دقاقـة الطــــــــــار
مايطـرب الا عنـد دقاقـة الطــــــــــار

لي عودة للرد بما يليق

،،،،،،،

[عذب القوافي]

صح لسانك أبومحمد

نص وافي

أبدعت يالغالي

تقديري ,,,,,,,

[مبروك بن ماضي]

أخي الفاضل / نجم الإبداع
عندما يكون الشاعر كبيراً
تتقزم كل الحروف والمعاني
سعدت بالمرور وغنمت بالمتابعة
سلمت قريحة جادت بدون فعلله
سأقتفي اثر حرفك الأصيل
تقبل تحياتي واحترامي الكبيرين ،

[ابو أنس]

الفاضل فلاح.............
نزف له مؤثر وباعث ومحرك
تعبير حميل عن وجهة نظر مقدره
أجدت التعبير وسبك الفكرة كما تحب
لك كل الشكر
ووافر التقدير

[الطائر المهاجر]

لا.. لا.. تعلم منت ياصاح مجبور= لكن زود العلم يكفيك الاخطار
وحكمٍ بليا علم في الشرع مبتور= فخل الحكم للي تعلم للاسرار
الوزن بالتفعيل واللحن له دور = ومن يجمع الثنتين لاشك بيطار
فكلامنا ياصاح بايقاع مفطور= ساكن ومتْحرّك وغيره فلا صار
والأذن تخدع لاتعمّقت فـ الغور= تحتاج ميزانٍ يساعد للانظار
وما كل من قطّع ضبط عالي الكور= وما كل من لحّن عرف سر الاشعار
ومن قال انا فلانان لاشك مغرور= كل حباه الله من الطيب تذكار

صح لسانك وفكرك
ولاهان راسك
تحياتي الطيبة

[محمد عبدالله البدراني]

صح السانك يافلاح وعلا شانك



وصح السان الطائر


صوت رائع ومعبر عن حال صاحبه

وصدى مدوي وغير متوقع لكنه اتى من الخبير فلله دررررررره



ولله دررررك يافلاح


تحيتي

[عبدالعزيز ابراهيم المنصور]

كَلِمَات رَائِعة

ونَصّ جَميلُ ومُمتع

لافضّ فُوك

دُمْتَ بِخَير

[منيع]

ابيات جميلة ومعبرة
بارك الله فيك
تحياتي

[عبدالرحمن بن زهير]

الشاعر فلاح بن منشار صدقت وانا خوك والله ان نكتبها على الله لا مفاعيل ولا فاعلاتن بيض الله وجهك على هذا الشموخ