انا من كثر صدمات الزمان(بالصوت)

[الطائر المهاجر]

انا من كثر لوعات الزمان ولعبة الاقدار= تعلّمت الصبر واهمل جراح القلب وطعونه
ولكنّي انا انسـان بشر يتحمّـل ابمقدار= ماني مثل الجمل لازادت احموله يجرونه
اطيح جدار متواسي ولكن ما يثير اغبار = صويب ولا نزف جرحه ولا يدرا بمكنونه
تعالي فالشعر حاضر عطيني سيفي البتّار= ابضرب فلقوافي درب يسلّي القلب بفنونه
ابرسم حبنا العذري على القمرى على الانهار= وابرسم كل صرخات الجنين بلحظة جنونه
واحط بآخر الصوره علامه تنهي المشوار= انا مالي على الاقدار سجين وتاهت سجونه
رضيت اللي انقسم يارب بما تامر وما تختار= جدار وطاح متواسي ولادري كيف يبنونه
صحيح الجسم في لحظه يجيه الموت كالاعصار= وتجيه امراض تستعصي على منهم يداوونه
ولـو فكّرت بالنسيان يجي ما هيّض الاكدار = مثـل رمحٍ زرق جوفي وطار الليل وسكونه
سجينة قلبي وين القـاك تركتيني بلا انذار = وانا المسجون في قلبك اطالع من يمرونه
هـلا بك عد ما هـلّ الهلال وصاموا الاخيار= هلا بك عد ما عشتي مع النبضات مسجونه
احبـّك لا تلـوميني احبّك يعلم الجبّار = على بعدك على قربك على عبرات مدفونه
تعـالي يجتمع طيفي مع طيفك على التذكار= نغنّي في الهوى ساعه وننسى الوقت ومجونه
تعـالي كـود نتسلل ونزرع في الظلام اقمار = ونسمع همسة النجمه تناجي البدر مفتونه
انا ويّـاك والفرقى تخاوينا على المشوار= ندوّر فجر واشراقه بليلٍ خابت ظنونه
ولكن كيف نلقـاها وهذا الجـوّ زاد اغبار= ماعاد نشوف برق الحب ولا ندري عن مزونه
حبيبي والهوى بحري وانا المركب بلا بحّار= ترى موجك يحطمني ويهدّ الحب وحصونه

[سناعيس]

الطائر المهاجر
صح لسانك
كما عودتنا على الجزاله
فقد اتحفتنا بهذه الدرة الجزله
بيض الله وجهك ولاهنت يالغالي

تحياتي

[عبدالرحمن الصباح]

حبيبي والهوى بحري وانا المركب بلا بحار======ترى موجك يحطمني ويهد الحب وحصونه
ابدعت استاذي صح السانك وعلا شانك جزله من شاعر جزل تقبل ودي وتقديري

[عيد مشعل]

صح لسانك
وعلى شانك


قصيده جزله من شاعر جزل

كما عودتنا بالبوح العذب

تحياتي وتقديري

[عيد بن سعدون]

الطائر المهاجر

مفردات شامخة خطت حروفها بحبر المشاعر

حب وبعد ونداء من اعماق الوجدان

وهمسات من القلب لسجين القلب

بيض الله وجهك وصح لسانك

اخوك
عيد بن سعدون

[الآكيد]

صح لسااانك ولاهانك ولاهنت

مصافحه ولا اروع

فلا تبخل علينااا بمثل هذه النوااادر الرائعه


تقبل ارق تحياتي

[ابراهيم عبدالحميد]

روعتك تتألق بين سطورك بكلمات غايه فى الروعه و قمه فى الإبداع دمت و سلمت لنا

[احمدابوانور]

طائرنا العزيز / د. عثمان العبدالله

لله درك ما أجملك حين تشدو بهكذا جمال

صح لسانك ولا هنت طال عمرك

مودتي القلبية لك

ابوانور
أح ــمــــــــد الـ ع ــــــــــــــنزي

[ابو زياد]

صح لسانك يابوعبدالله
على هالجزلة

[الخنساء]

رضيت اللي انقسم يارب بما تامر وما تختـار
جدار وطاح متواسـي ولادري كيـف يبنونـه
صحيح الجسم في لحظه يجيه الموت كالاعصار
وتجيه امراض تستعصي على منهم يداوونـه
ولو فكّرت بالنسيان يجي ما هيّـض الاكـدار
مثل رمحٍ زرق جوفي وطار الليـل وسكونـه



صح لسانك مشرفنا

لاهان راسك قصيدة رائعة

ترجمت الالم وقسوة الزمان


سلمت وسلم شعرك

دمت بخير