مركبة الفطاحلة تعلن عن موعد الإقلاع

[الطائر المهاجر]

وعلى جميع الركاب التوجه إلى بوابة مركبة الفطاحلة تمهيداً للإقلاع إلى كوكب المحاوره
وعلى من يصل أولاً ، افتتاح الديوانية وتحديد الطاروق

آسف على التأخير
وش رأيكم نبي نكدوش معكم الليلة
الغشيم يبيها شقر وش رأيكم
نقول تم
استلموا

سلام ياليل الشعر يلي على الشاعر صفا=يا هجوس الشعر من طيب المعاني صف لي
كيف ناردها قراح إن كان ما نضرب صفا=ومن يقابلني يصف فصفنا والصف لي

في أمان الله طالع مشوار وما أظن أعود الليله للنت
إذا ناسب الطرق نكمل بكره
والجديد يقدم ونحاول نجاريه عسى الله يعيننا

[الطائر المهاجر]

هلا ومرحبا حياك يالنشمي
فكرة جيدة وإن كان فيها بعض الصعوبة والتأخير

جبتها يالشاعر اللي في طبايعه الوفا = وان نقص بيتي عن الطاروق تمه وف لي
واكتب القيفان وابعد عن سميره او وفا = ولا تجاوزت المقرر في الغزل قل اوف لي

مرحبا بك يالغشيم ومرحبا بلي لفا=ألف ترحيبه لكم ومرحبا بي ألف لي
يا وليف الشعر يالله بالعقود الولفا=وإن تعديت الوعيده يا صحيبي لف لي

[الطائر المهاجر]

ياعبادي هالمحاور صاحبه عنه اخلفا = شب ناره ثمن اقفى ليته اللي خف لي
لكن انك جيت بعده جابك الله واخلفا = دربنا آشوفه طويل وما بقى من خف لي

يالمهاجر وش تقول فنحل في بطنه شفا=أرتجي له وأطلب الله يا إلهي اِشف لي
ومن بغى الطائف يروحه بس لا ينسى الشفا=وانقل الفكره دقيقه عن مصيفي شِف لي