ياعيون اللي بوسط الروض ذاير

[فواز الغسلان]

ياعيون اللي بوسط الروض ذاير=والحلا بالعين لا شاحـت نـظـرها
هب نسناس الهواء عقب الهجاير=وشافت فـياض الخلا يومي شجرها
خـوف قـنـاصٍ يـجي للروض زاير=وان لـمـح ريـم الفلا يقطع خبرها
والحـذر بالريـم عن بعـض الدواير=لاجل ماتشرب من الدنيا كدرها
يـنـقـل اللي مضربه بالجوف جاير=وكان صابت صيدته تنثر حمرها
لابغى الـمقـناص ماهاب الخساير=مع مزونٍ يرتـجـي هاطل مطرها
ليـش تـاعـدنـي على دخلة يـنـايـر=وذي ليال ابريل ما وادع شهرها
ارحــم اللي بالهوى شاف النكاير=بـه جـروحٍ عن بـنـي عـمه سترها
يـفـضـحـه فكرٍ بوسط الناس حاير=والعيون اللي شكت لوعة سهرها
لو تعرف اللي بوسط الروح صاير=والجروح اللي وطت حفرة خطرها
كان ماصارت وعـود الـعـشـق داير=ولا رميت الروح في جـمـرة قهرها

[الطائر المهاجر]

رائعة من شاعر رائع
ومتجدد الإبداع
صح لسانك وفكرك
ودام ابداعك
تحيتي ومودتي

[الأموره]

الغسلـآن ...~

قصـآئدك رآئعه

كروعه شخصك ...~

تبارك الرحمن ...~

هطول جدا جميل ...~

و يسعدني أن أكون من أوائل

المصاافحين له

صح لسـآنك ملايين

سلمت و سلم فكرك

و قلمك و نبضك

الف شكر لك

دمت برعاية الخالق

[ابوعبدالرحمن القريشي]

صح لسانك شاعرنا المبدع

اعلم انك لست بحاجة الى اطراء

ولكن حرفك يجبر من يقرأه على التوقيع فيه

اعجابا و ثناءا

دمت بود

[نفحات حساسة]

الله عليك..
صح السانك..ولاهنت

قصيده رائعه..سلمت وسلمت يمينك

تحياتى لك..

[منيع]

ابيات ولااروع
دمت مميزا ومبدعا
بارك الله فيكم
تحياتي

[داعي الشوق]

صح لسانك يالشاعر المميز

فواز الغسلان

قصيدة رائعة كما إعتدنا منك دائما

لله درررررررررك يا بن غسلان

صح لسانك مع التحية لك

و التقدير

،،،،،،،،،،،،،،،

[احمد الكثيري]

فواز الغسلان

كعادنك شامخ +رائع +جميل وفقك اله تعالى وبارك الله فيك على هذا النص

[حي الضمير]

صح لسانك شاعرنا الرائع
قصيده رائعه وابدعت يامميز
أجزل التحايا والاحترام

[الـزلـزال]

ليش تاعدني على دخلـة ينايـر=وذي ليال ابريل ما وادع شهرهـا
ارحم اللي بالهوى شاف النكايـر=به جروحٍ عن بني عمه سترهـا

فواز الغسلان
بوح مميز ومتقن
من شاعر متميز وعذب في كل مايقدمه
مبدع ومتجدد شاعرنا رعاك الله
صح لسانك ملايين ملايين
ولك فائق تحياتي وتقديري