الحويفي وابن زويبن يمدحون الطهيمي...

[ضعيان البدرانى]

	يوم إن ابـو فـواز نـادى عليـه=أهـلاً وسهـلا بالطهيمـي عليـان نـادى وجاوبتـه بلهجـه رضيـه= وانا ورى ضيده وهو يـم بـرزان علاقتـي مـع كـل طيـب قويـه= لا تحسب إني بأبيض الوجه زعلان يوم ارسـل القيفـان يمـك هديـه=يا رجل لك بالطيب سمعه وعنـوان وانـا دفعـنـي للهدف جاذبـيـه=واذكـر مزايـاك الحميـده بقيفـان من لابة ٍ في نجد مـا هـي خفيـه=يوم القبايل بينهـم عنـف واكـوان يوم احتكـاك النـاس والعنصريـه=تخضع لهم روس العداء سر واعلان أولاد راشـد محتمـيـن الونـيـه=بالطيب أهل جوده وبالحرب شجعان جتك القصيـده واعتبرهـا هديـه=وأقبل يابن راشد كلام أبـو سلمـان أبيات عـن كـل الشوايـب نقيـه=من شاعر ٍ عنده للأمثـال ميـزان وجهتـهـا باللهجــه السالمـيـه=من بدر ملفاهـا الطهيمـي عليـان الشاعر / بدر الحويفي الحربي @ @ @ سـلام تسليـم يخـص المعـازيـب=وســلام تسلـيـم يـعـم البقـيـه ضيوف من ينطـح كبـار المواجيـب=اليـا تركهـا اللـي عزومـه رديـه جينا نشـارك مـا زعجنـا مكاتيـب=لجـل الطهيمـي نقطـع المهمهـيـه جينا على اللي يوم يمرج تقـل ذيـب=اليـا حـداه اللـي يحلـف بطلـيـه من الصبـاح يقلـب الارض تقليـب=جيعـان والديـره مـحـولاً خلـيـه والعصر قدم تهرف الشمـس وتغيـب=وايق وسمع اصـوات راعـي رعيـه وقـام يتققـا بالجـروف السراديـب=يبيـه يمـرح ناويـن فـيـه نـيـه وصحاله اللي مـا يجيـد المضاريـب=شوفـه ضعيـف وبندقـه صوبعـيـه قضى الرصاص وروح الذيب ما صيب=يهرف هريـف مـع العبـال العريـه ما فيه غيره ما يوصـف بـه الجيـب=اللـي عطانيـه الطهيـمـي هـديـه شـراه مـن مالـه بحـد الجلاليـب=وجابـه عساهـا مـا تجيـه المنيـه وانا اليا مني قبلـت مـا هـو عيـب=مـدت رفـيـق تـرفـع المعنـويـه والطيب ما يصعب على راعي الطيب=يصعب على الانذال لـو هـي ثريـه والا الطهيمي قد مضت لـه تجاريـب=مواقفـه بالطيـب مـا هـي خفـيـه غير الوفاء ما فيه عيـب وعذاريـب=وذبح الخـروف وحمسـت الشاذليـه يا عل من يقدر على الطيـب ويهيـب=يفداك يـا دسـم الصحـن والصينيـه رفعت سمعة حـرب بيـن الأجانيـب=وحطيت حفـل كبـر هضبـة طميـه رزيـت لـزار لوحـات ترحـيـب=عمتـهـا بـسـم القبيـلـه حمـيـه الطيـب وقـت نايفـات المراقـيـب=لمصـارع الصعبـات نفسـك جريـه تعبت في تجميـع بـرص الدخاليـب=اللـي لهـن رأس المجـوخ ضحيـه واليا دخلت مراح صعـب المطاليـب=مـا تشـري الأكـل وضحـى ثنيـه اللـي بغاربهـا تـحـط الدبـاديـب=وليا طـرش وصـى عليهـا صبيـه يجونها هل الصنف مثـل الخطاطيـب=اللـي هواهـم بنـت شـيـخ فتـيـه أعلى ثمنهن يكسر العظـم وصعيـب=مليون ودنـى سعرهـن خمـس ميـه إن ما عطهن لجنت العـرض ترتيـب=الـرقـم الأول بالمـزايـن خطـيـه لا يحسبون أهـل الحيـل والتلاعيـب=هم أذكيـاء والنـاس الأخـرى غبيـه من صيتهن يحكم على طيبهـن غيـب=ومن شافهـن مالـه وراهـن شفيـه الشاعر / عبد الله بن زويبن المعمري الحربي

[الطامي]

ضعيان
شكرا للنقل الرائع
وصح السنتهم جميع
رائعة بما فيها من الجمال
شكرا لك

[نفحات حساسة]

تسلم اخوى
ويسلم نقلك..وصح السان قايلها
تحياتى..

[حي الضمير]

منقول رائع من ذوق اروع
الف شكر

[عالي مستواها]

صحت إلسنتهم جميع


نقل رائع


يعطيك العافيه

[همس الورد]

اختياااااااار رائع و مميز

مشكوووور اخي الفاضل

[نجم الإبداع]

شكرا على النقل الراقي

موووووووودتي

[البتار]

لك الشكر
على ما فاض به قلمك
تحياتي

[طويق]

مشكور
على ما افدتنا به
تحياتي

[خميس]

بارك الله فيك
كتبت فقرأت فاستفدنا
تحياتي واحترامي