على المسار انثري وردك وجوريّك

[سهيل الشمري]

على المسار انثري وردك وجوريّك = ياقرة العين فيك الشعر يهوا لي
ردّي عليّا فديت المدّ بايديّك = ماريد غيرك اتجاذبني بموّالي
الصدر ضايق رحم ميمتْك مع بيّك =والليله القاف ودّه فضح الاحوالي
شدّي بيوتك بعد حيي على حيّك = تعالي القلب ظامي بارد ازْلالي
ليا الغرام افخري بالله من زيّك = شيهانة ٍ منزلك في عالي الجالي
الْيا عطيتي ظلامي يقتله ضيّك = والْيا حضرتي نثرت النبض مابالي
والْيوم رمضاي تهوى ظلّك وفيّك = بالله قولي تفضل وانزل اظلالي
داوي حروقٍ بجسمي سبّته كيّك = يومي قريتك بنبضك يابعد حالي
ليا الغرام الظّما ميّت على ميّك = اسالْك لاتعلني صدٍّ وترحالي
خليك جنبي وهاك أيّي على أيّك = خلي معاناتنا بالولْف تختالي
نرْوى بعضْ لو زعل خيّي معه خيّك = ولا علينا من اوّلْهم مع التالي

[زهرة اللوتس]

صح لسانك وفكرك
ولاهان راسك
جزلة من جزل
تحياتي

[الطائر المهاجر]

سلمت
وصح فكرك ولسانك
ولا هنت
جزلة من شاعر مبدع
تحياتي الطيبة

[منيع]

ياسلام ولااحلى ولااعذب
دمت مبدعا ايها الشاعر المتجدد ابداعا وعذوبه
تحياتي لكم

[عبدالعزيز البليهد]

تسلم ويسلم حيّك

لاهنت على هذه الرائعه

جزله من راس جزل

صح لسانك يالغالي

[حوريه]

خليك جنبي وهاك أيّي علـى أيّـك=خلـي معاناتنـا بالولْـف تختالـي
نرْوى بعضْ لو زعل خيّي معه خيّك=ولا علينا من اوّلْهـم مـع التالـي

الشمري 000

حرفك يروي الذائقه يووووورعته

صح قلبك وداااام حرفك 00

ونبضك 00

00000000

[عذب القوافي]

صح لسانك وفكرك
ولاهان راسك
جزلة من جزل
تقديري ,,,

[ناصر عبيد الهواوي]

سهيل الشمري الشاعر الجزل
جميلة جدا هالمتوافقات ان صح التعبير
جزلة جدا ومعبرة
لاهنت يالقرم وبيض الله وجهك

[عمر ال شيبي]

سلم قلبك

الله عليك

وربي حاب اسمعها صوت

احس الها رونق خاص
سلمت لا هنت

[ترانيم المطر]

على المسار انثري وردك وجوريّك
ياقرة العين فيك الشعر يهـوا لـي
ردّي عليّـا فديـت المـدّ بايديّـك
ماريد غيـرك اتجاذبنـي بموّالـي

الشاعر العذب سهيل الشمري

صح لسانك واعتلا شانك

ابيات رائعة

ترجمت روعة الاحساس

سلمت وسلم تميزك

وإبداعك

تقبل من التحيه أغلاها

ودمت بود