وابي اجمع رجالن لهم النعم

[هندي العتيبي]

لاوالله الـي صـار فـي القلـب ولـوال =ولـوال مـن كثـر الـذي قـد جـرالـه
دنيا تقلب كـل يومـن عـلا حـال =ولاحدن بهـا ثابـت عـلى شكل حالـه
الدين ماخلّص وبي مسكنن عال = وجيب(ن) له السواق ينساح باله
وابجمع رجالن لهم بالنعم قال = ينومس ذكرهم ما بهم يوم عاله
وابي اكرّم ضيفي بشرب فنجال = وبعض الهرج حتى نقفّل مجاله
واقضي لزوم اللي نصى بكل الاحوال =مايروح إلا سامحن كل باله
وابي اعين اللي عليه الدهر مال =من بعد ماهو يشتكي من احواله
وهذي منايه كانها اليوم تنقال = وإلاّ الردي منها فمالي وماله
وهذي وصاتي من ضميري لبتال = ابي ينفذها ويوصي عياله

[منيع]

ابيات رائعه
تحمل معاني طيبة
شكرا لك
تحياتي

[هندي العتيبي]

منيع

اسعدني مرورك الجميل

والرائع مرورك

وبارك الله فيك

[الطائر المهاجر]

صح لسانك وفكرك
جزلة من راس جزل
لاهان راسك
تحياتي الطيبة

[هندي العتيبي]

الطائر المهاجر

اسعدني مرورك

وبيض الله وجهك على علومك الطيبه انت وزملاك


وعساكم دائم سالمين

[مبروك بن ماضي]

الاخ الفاضل الشاعر / هندي العتيبي
صح لسانك وسلم بنانك
جزله من راس جزل
سجل اعجابي بهذة الرائعه
وتقبل تحياتي واحترامي ،،

[هندي العتيبي]

مبروك ابن ماضي

يامرحبابك واسعدني مرورك

ومشكور على الاطراء الجميل

والله يقدرنا نقدم شي يعجب الجميع

[حي الضمير]

صح لسانك شاعرنا هندي العتيبي

ابيات جميلة تحمل روح الاصالة

سجل اعجابي يابطل

اشكرك جدا على هذه الكلمات

يعجز لساني على وصفها

لما تتميز به من روعه وإبداع

رائع و مبدع دائما

دام لنا تألقك

و دمت بإبداعاتك