حـــــــــلـم الـمـــسـتـحـــيــــل

[سعود القت]

يهيج صدري من صدوف الوقت والحظ الغبي = واغيب في غيهب مقافيش العسر ودروبها
مومن بما يحدث يقين وتابعٍ نهج النبي = غير الليالي تستدير وتلكز بعرقوبها
اصد هجمات الدهر وازوم وامس شنبي = وافتر وانا موريت والدنيا على مسحوبها
يثقل علي الحمل واشيله ويحفي منكبي = وادم شرهات الرها واقوم في مطلوبها
اسدد الرميه عليها والهدف في ملعبي = لا يارساله غامضه محدٍ فسر مكتوبها
ما باقي الا تعترض دربي وتنشد وشتبي = تمن جغمه والمزون مقونفات نصوبها
مدري متى تبهج طموحاتي ويصفي مشربي = ولدري متى جرب الليالي ما تحك جنوبها
ما قدرت شوحات جهدي وانكرابي وتعبي = تلد ليه عينها وتهزلي لغبوبها
ما ميزت تاريخ جداني معطرة الشبي = ولا عبرت قدر السيوف الحدب لا هدوبها
لا زلزلو صلب الحزم والضد يسبونه سبي = بالاسم نلبس ثوبها والقدر ماهو ثوبها
ويلومني من يدرق في ضل غيره ويحبي = عيب النشاما تعتنق بسلوب غير اسلوبها
ما يملك القدر الرفيع الا عزيز المنسبي = الدون ماهو صوبها لو قال انا في صوبها
ولحدٍ قطع جوعه بفخر الجوع من راس الظبي = وغيض الصدور المرهيه ناتج لفاح كروبها
تفطرت ثومة فوادي ما تحقق مطلبي = وصفت علاج العمر شرهين البشر قفوبها
امبه بحلم المستحيل بدون اغادر غيهبي = واسمع صدى صرخة غريقه تنتخي محبوبها
لا يا فزوع المرجله والفقر يلطم ويهبي = وراس الرها فيه الليالي ما تبين ضروبها
ارقى سنود مع النشاما والشكاله مكسبي = والمرجله شجرة وفا يكفي طرف نبنوبها
ولا علي خلاف ما دام المراجل مزهبي = ابهل مصارير السنين ولو لوت هندوبها

[النهر الخالد]

الشاعر العذب سعود الفت

يشرفني ان اكون اول الحضور في مصافحتك الجزله

ما يملك القدر الرفيـع الا عزيـز المنسبـي
الدون ماهو صوبها لو قال انا فـي صوبهـا


ابدعت اخي الشاعر صح لسانك مدد مدد

تحياتي وتقديري لك سيدي

[ابومياس]

سعود القت شاعر متميز

بمفردات جزلة

ولحدٍ قطع جوعه بفخر الجوع من راس الظبي
000000000وغيض الصدور المرهيه ناتج لفاح كروبهـا

لاهنت ياسعود

بيت اطربني مع جمال النص

ولكن هذا البيت نسمة عبير

صح لسانك ودام حرفك

[صوت الإحساس]

من الوزن الثقيل


تقرأ وتقرأ ولا تمل

أعجابي ومتابعتي


لجمال حرفك وقوته

الشاعر سعود
صح لسانك قصيده جميله الله يعافيك
على هالجمال
مدري متى تبهج طموحاتي ويصفي مشربـي000ولدري متى جرب الليالي ما تحـك جنوبهـا
لاهنت ابيات في مجملها رائعه
تحياتي

[عادل العتيبي]

اصد هجمات الدهـر وازوم وامـس شنبـي
وافتر وانا موريت والدنيا علـى مسحوبهـا
يثقل علي الحمـل واشيلـه ويحفـي منكبـي
وادم شرهات الرهـا واقـوم فـي مطلوبهـا


كفو كفو



الله أكبر الله أكبر



صح لسانك ملياااار


جزاله × جزاله


لاهان راسك


تحياتي لك

[عبدالله البهلولي]

الشاعر العزيز الغالي سعود


ابيات في غاية الروعه
من شاعر رائع جدا

[علي محمد العتيبي]

ولا علي خـلاف مـا دام المراجـل مزهبـي
ابهل مصارير السنين ولـو لـوت هندوبهـا

كفو والله

سعود القت
ياسلام عليك
ابداع وامتاع
وحبك وسبك

صح لسانك لين ترضى

اعجابي واحترامي

[الصريح العتيبي]

الاخ/سعود
صح لسانك واعتلى شانك
وبيض الله وجهك على هذه الرائعه
دمت بخير

سعود
صح السانك
نص مميز من شاعر يشهد له القاف
ويشهد له الحرف
وتشهد المفرده لانه شاعر ماهر متمكن جميل وعذب
سعود شاعر يعزف على كل انواع الشعر وله جمهور يتزاحم لكي شقراء اعذب الاشعار
سعود شهادتي فيك مجروحه طال عمرك
تقبل مني كل الحب والتقدير