من لا عرفني يحسب أني شويطين

[عبدالمحسن الرحمه]

من لا عرفني يحسب انـي شويطيـن
وانــا عـلـى النـيـه وقلـبـي رحـومـي

هــذي حيـاتـي عشتـهـا مــدّة سنـيـن
مــاخــاوي الا طـيـبـيــن الـسـلـومــي

أترك هل البدعة واخاوي هل الدين
واتــرك طـريـق ٍ سالكـيـنـه رخـومــي

والطيـب لـه عـنـد النشـامـا براهـيـن
يشتـفـهـا الـرجــال بــيــن الـعـلـومـي

ومن فضل ربي مالحق سمعتي شين
واصبر على الماجوب عند اللزومـي

وأنـــا كـتـابـي واضـــح ٍ بالعـنـاويـن
مـعـروف عـنـد الطيـبـيـن الـقـرومـي

أشـرع بذكـر الله وانــادي المصلـيـن
واسأل جموع الحاضريـن الزحومـي

والوالديني مسكن ٍ بالشرايين
مايمحي لو غربلتني الهمومي

أكـره مجالـس ســبّ فيها المحبـيـن
أبـعـد واسـامــر عـالـيـات النـجـومـي

يـحـن قـلـبـي لـــو أنـاظــر مسيـكـيـن
وأعطيـه لـو يبغـى جـديـد الهـدومـي

أواسي اللي حده الهم والدين
واسامح اللي عابني في سلومي

والضيف لو جانـي لـه القلـب والعيـن
يامرحـبـابـه عـــدّ بــــرق الـغـيـومـي

أذبـح لـه الجزلـه مـن الحيـل ثنتـيـن
حيـل ٍ سـمـان ٍ مطبـقـات الشحـومـي

[فارس القوافي]

ونعم ياعبدالمحسن

صح لسانك ولا هنت

دمت بخير

[بنت النور]

صح لسانك وعتلى شانك
يعطيك العافيه
لاهنت
تحياتي

[هترل]

كفووو ياعبدالمحسن
وصح لسانك واعتلا شانك
نص زاخر بالمعاني الساميه لاهنت

تحياتي وتقديري

[الطائر المهاجر]

"مداح نفسه ف المجالس عن اثنين"= شطرٍ تذكرته يجيب العلومي
خل المدح للغير من غير تقنين = فالرجل مايمدح لنفسه لزومي
فهات الأدله كان عندك براهين = فيها شهادة اربعه من القرومي
مداعبه

صح لسانك
ولاهنت
تحياتي

[طوفـــان]

صح لسانك شاعرنا الكبير أبو مالك على هذا النص الرائع ..


تحياتي لك ولاهنت يابعدي

[داعي الشوق]

ونعم ياعبدالمحسن

صح لسانك ولا هنت

و عساك ع القوه

[مشعل التريباني]

أشـرع بذكـر الله وانــادي المصلـيـن
واسأل جموع الحاضريـن الزحومـي

والوالديني مسكن ٍ بالشرايين
مايمحي لو غربلتني الهمومي

أكـره مجالـس ســبّ فيها المحبـيـن
أبـعـد واسـامــر عـالـيـات النـجـومـي

يـحـن قـلـبـي لـــو أنـاظــر مسيـكـيـن
وأعطيـه لـو يبغـى جـديـد الهـدومـي

أواسي اللي حده الهم والدين
واسامح اللي عابني في سلومي

والضيف لو جانـي لـه القلـب والعيـن
يامرحـبـابـه عـــدّ بــــرق الـغـيـومـي

أذبـح لـه الجزلـه مـن الحيـل ثنتـيـن
حيـل ٍ سـمـان ٍ مطبـقـات الشحـومـي

اخوي عبدالمحسن الععمر
ونعم السلم ونعم راعيه بيض الله وجهك
ياحبني لمثل هذا السلم وهذه الطبيعه
الله لايخلينا من الطيبين (انا اغلي الطيب ولو هو من القوم = واللاش مالي به ولاهو صحيبي)
صح لسانك مليارات ايها الشاعر الرائع

[احمد المنتشري]

كفووو كفووو يا العمر

نص مليئ بالسمو والإعتزاز بالنفس
صح لسانك ملايين وما يسدن

تحاياي لكـ

[الطامي]

العمر
صح السانك ملايين
ومحشوم من الشيطنه
ابداع من مبدع
لاهنت