صنداح الزلامي

[صنداح الزلامى]

نسيت السنين الماضية وانتهى الموضوع
ولاعــاد اعـيـد احـداثــهـا واتـذكـرها
نسينا شقاها والتعب والضما والجوع
ومـــاصـــار فــيـها من احلا الايام وقشرها
ولو انـها تـطري على الخاطرالموجوع
وتـثر علـى نفـسي وتجـرح مـشـاعـرها
اخذنا من الشده ومن مرها قرطوع
ونذكر عجاف سنينها ونتصورها
وباقي لها في خافقي دفترن مطبوع
وملفات تدمى القلب لو اني انشرها
ولا ودي اصرح عن الخافي الممنوع
عساها تزين وجعل ربي ييسرها
وحبل الرجاء من عند ربي ماهو مقطوع
جنود السماء والارض بامره يسيرها
هو الواحد اللي فيه كل الامل مزروع
ومن غيره ان ضاقت علينا يدبرها
دعيناها باسماه وعسى صوتنا مسموع
مايخافاه خافي رب خلقه وناصرها
مكون جميع الكون كله بضرف اسبوع
ويعلم على خاف السراير وظاهراها

صنداح الزلامي

[الطائر المهاجر]

ولا ودي اصرح عن الخافي الممنوع

معك حق لسانك حصانك
صح لسانك
ولا هان راسك
تحياتي

[منيع]

ياسلام عليك جزل ومبدع ورائع
صح لسانك
تحياتي لكم

[داعي الشوق]

الله الله يابومحمد
الحمدلله ع السلامه وين انت يارجل وعساك بخير ..

صح لساانك ودام ابداعك ياجزل
قصيده عانقت الجمال في المفرده والمعنى

صح لسانك مدد

[الطامي]

ابدعت ياصنداح
ابياتٍ طيبة وهادفه
صح السانك ملايين
ولاهنت

[الراقي]

صح السانك

راائعه
دمت ودام قلب ينبض بين اضلعك