غير بنت البلد مافيه

[احمد الجريفاني]

لا يغرك خـداع مركبـات الـردوف =والنهـود الصناعيـه بحفلـة طـرب
الشعر صنع لندن والخـدود معـروف =نفخوها وسـط باريـس للـي تحـب
لجـل فستانهـا يثبـت بليـا كتـوف =ركبوا له قبـل تطلـع تغنـي خشـب
يوم شفته على الشاشه صفقت الكفوف =قلت ياليتهـا حظـي كليـت المطـب
صوروها بعينك يـا المغفـل هنـوف =لو تمقلت عينه شفـت شييـن عجـب
صابغينه با الاسود مثل عين الخـروف =قبل تبـدا تغنـي ركبـوا لـه هـدب
الاضـاءه تخليهـا تصيـح اوف اوف =ساح مكياجها والكحـل كـون شنـب
لو تشوفه من قرييب يلازمـك خـوف =وين ذاك الجمال اللـي لعقلـك سلـب
كان لك عين عميا خل قلبـك يشـوف =كل من شافها عن قـرب نـز وهـرب
عفت باسبابها ساره ونـوره ونـوف =بعت ملح العذارى واشتريـت الجـرب
ضاعت العشقة اللي مسكنه وسط جوف =كيف خليتها من شـان كومـة كـرب
لو تحسفت ما تنفعك كثـر الحسـوف =يا سفيهن يحسـب ان العـذارى لعـب
مثل بنت البلد مافيـه مهمـا تطـوف =ما تحصل من التـدوار غيـر التعـب
بنت متربيه في حـال زوجـه تـروف =به جمالين شكـل وروح وايضـا ادب
اسال الشمس يا جاهل بسر الكسـوف =تعرف اسرار من حاول يطـول العنـب

[الطائر المهاجر]

صبحك بالخير يا احمد
وعلى هالصباح قصيدة اجتماعية هادفه
لعلها تنبه الغافل ، ولكن مع ما استوردناه
من قشور حضاريه ، ترى بنت الوطن معاد
هي على خبرك إلا من رحم ربي
صح لسانك مدد بلا عدد
ولا هان راسك
بالنسبة للتنسيق ، تنسيقك ممتاز
بس علامة = توضع ققط بين الشطرين في كل بيت
وليس في نهاية البيت
تحياتي الطيبة

[منيع]

ياسلام عليك
ابدعت واجدت
ابيات رائعه وهادفه
بارك الله فيكم
تحياتي وتقديري

[مبروك بن ماضي]

جميلة أيها الشاعر و جزله
الحقيقة أنني أسعد بالقراءة لك ..
ارتويت هنا من إبداعك
شاعرنا المبدع / احمد الجريفاني
سجل اعجابي القديم بشعرك وشخصك الكريم
أدام الله عليك هذا الألق
أجمل التحايا لك واكثر ..
أخوك / بن ماضي

[عذب القوافي]

الأستاذ الشاعر / أحمد الجريفاني

صح لسانك مليون

نص رائع يحمل مضمون واضح

لله درك من مبدع

تقديري ,,,,,,,,,

[منصور العبدالله]

صوروها بعينك يـا المغفـل هنـوف
لو تمقلت عينه شفـت شييـن عجـب
صابغينه با الاسود مثل عين الخـروف
قبل تبـدا تغنـي ركبـوا لـه هـدب
الاضـاءه تخليهـا تصيـح اوف اوف
ساح مكياجها والكحـل كـون شنـب


القدير

احمد الجريفانى


صح لساااااااااااانك


وصدق ما ينتبدل بالطبيعى صناعى


تقبل مرورى ياقرم

[داعي الشوق]

صح لسانك يالشاعر أحمد الجريفاني

قصيدة جميلة

و تصوير رائع

تحكي عن واقع نشاهدة

صح لسانك مع التقدير لك

[عبدالرحمن بن زهير]

احمد صح الله لسانك وصف مايبيله بهارات ابيض وجه...تحياتي

[الطامي]

الجريفاني
صح السانك وبنانك
جزلة من جزل
لاهنت

[احمد الجريفاني]

دكتور عثمان سلم قلبك