فلاح × والطائر

[الطائر المهاجر]

الأحد 12/12/1430 الموافق 29/11/2009

فلاح=
ثالث العيد والعالم مع العيد نوم=والمهاجر ماغير انّه يحسْب ويعيد
ياسلامي على عثمان في كل يوم=مشغل الفكر دوما نظرته للبعيد
يشمل الي يشاهدني سلام وسلوم= والفطاحل تقل بالود قصر الرشيد
الطائر=
كل ضبٍ ولو يصحى يخاف الغيوم=غير ضب بحره مايبي اللي يفيد
مدرعمٍ في طريقه لو نوى للتخوم=نسي عكرته يوم اقبل لوادي القديد
اشهد انه مهوب اصلي ولو جاب سوم= بايرٍ في الحراج ولا يساوي حديد
فلاح=
انت ياهرش بالتسعين وشبك تحوم=تاكل العظم يوم الناس تاكل ثريد
تحسب اني جهلت الي وصل من علوم= وانت تدري وتعرف راس ضبن مجيد
فوق نجم الثرياء لو تراني كتوم=مير خل العلوم الفايته يافريد
الطائر=
من ضربه البرد بالحمى نقول محموم=لو يهذري فلا تشره فلا هو نديد
ومن اكل ني بطنه صار مثل الدروم=وصابه دوار مايدري السبب في القديد
خل عنك السوالف جعل راسك يدوم=وكل ضبٍ توفى اشهد انه شهيد
فلاح=
انت ماتنومن بالشعر يابو الخشوم=كل ماجيت طيب قلت رح يابعيد
تاتنفس حطيئيات خل الرسوم=وان مدحناك قلت العفو هل من مزيد
اعرفك هرش ماتمهل لكل الخصوم=ماحسنك يوم تلهج للورى بالنشيد
الطائر=
اضبط الدرب لاتقصر وراع السلوم=كمل اللي بدبته كان رايك سديد
مشكل الضب لا منه سرح بالحلوم= شاف تطلي وظنه من صنوف العصيد
ولا اكل فول قال الفول مافيه ثوم=انعدم حس خشمه لو عطس ما يفيد
فلاح=
اشهد انك خطير ومانت واحد ظلوم=مير رميك يصيب الي تبي يالمريد
من صواريخ واشنطن بكفي شلوم=مير لاتخلط الحنطه بحب السميد
صدق اني ضحكت وشفتها بالرقوم=انت بنك المعارف مانفذ له رصيد
الطائر=
من يصيد العقارب ما يهاب السموم=وكل صياد يعرف لا بغى وش يصيد
فجعة الذيب حكمه لو رميت التخوم= وكل ضبٍ ودربه لو يطول البريد
ومن يلوم اللي بخط النار ماهو ملوم= لو ضرب له خوي يحسبنه ضديد
فلاح=
الخرافين كثر الي يبون الوسوم=والعقارب للسعتها مضاد وصديد
والذي حج الى مكه ومر الجموم=شاف من قو سيل العرم شكل الخديد
والركاده وسامن لك وفعل الحلوم=والليالي تبين ماختفى للعبيد
الطائر=
نم مثل اي ضب في جحوره ينوم=واترك الصيد للي غاطسٍ في الجليد
ولا تحلم بكبسه مابها من لحوم=كل كبسه تبي طبخه على ما تريد
وشاور اللي ولد قبلك بليل ويوم=ولا تفكر بما تجلب سعاد وسعيد
فلاح=
نومة الضب متعود عليها الرخوم= مير نوم الحصيني فوق بعض الجريد
كل بطن امتلى زادت عليه التخوم= والذي يطبخ الطبخه عليها ركيد
كل عاقل خذينا شوره الي يشوم=وانت من يفتل الشور الذي مايحيد
الطائر=
من جهل بالسباحه تحت دشه يعوم=ومن عرف كيف يغطس مايرده بعيد
يجلب الدر من بحر بموجه لطوم=ولا يهاب المنايا غير شبه البليد
ومن وضع طعم مغري صيده اصبح حتوم=فاتركه لين ياقع في شراكه وحيد
فلاح=
مايروع الجواد الصلب هب السموم= والبحر فيه غبه مايجيها النكيد
والذي من ورى التقيا يسوق الهموم=بان غيّه ومن حوله يذوب الجليد
مايدس ابني ادم غير لبس الهدوم=صح قلبك ويسلم راسك الي يقيد

[شجون القصيد]

قطبي المنتدى هنا

الله الله عليكم

صح لسانك الطائر المهاجر

صح لسانك فلاح بن منشار

كبااار دوما

رائعين ومبدعين اساتذتنا

تشرفت بالمتابعه

شكرا لكما كانت رحله ممتعه

دمتما بخير

[الطامي]

صح الاسنتكم جميع
رائعة جدا
لافضت السنتكم

[عمر ال شيبي]

صحت قلوبكم لا هنتم

[الخنساء]

صحت السنتكم
ودام شعركم ولاهنتوا

[نجم الإبداع]

صحت ابدانكم وقلوبكم

شكرا لكم ولكل من سيمرمن هنا

وشكر ابو عبدالله على النقل

لاعدمتك

[زهرة اللوتس]

صحت السنتكم

ودمتم مبدعين

[نفحات حساسة]

الله عليكم..

شعراء مبدعين وكبار

تسلمون جميع

ولاهنتوو

[حي الضمير]

ابدعتم بارك الله فيكم
وصح السنتكم
أجزل التحايا والاحترام

[سمحان]

وصح السنتكم ياشعار