فـديـت الـثـغـر لي مـنـه حكى (عـربي فـرن

[مبروك بن ماضي]

فـديـت الـلـثـغـة الـلي يـنـقـلـب راءك معـاها غــيـن = فـديـت الـثـغـر لي مـنـه حكى (عـربي فـرنـسـاوي)
ولاقلـتي إيلي/(مبغوك مغـسي) ذبت صرت أثـنـين = ثـلاثـه أربـعـه خـمـسـه: وأقـول الحـلـو وش نـاوي!
يـبـعــثـرني حـنـانـك رقــتـك لـطـفـك وزود الـلـيـن = ولا مــني بـغــيــت آلـمـلـم أشــــتـاتي مــاني قـاوي
دخـيـلـك بـس قـولي لي يـسـافـربي الأمـل لا ويـن = ونـا لي من شعـرت بْحـجـم كـبـر اليـأس لـك آوي
ابـاحـلـم في وصالـك يالغلا كل ماغـفـت لي عـيـن = وإبــتــلــذذ بــشـــوفـك طـالـما إنـي دوم بـك غـاوي
سوالـيفك سُحـب تـروي خـفـوقي من وَدقَـهـا لـيـيـن = أحـــس انـي من عـــذوبـة دلالـك والـغــنـج راوي
معاني نـبـضـك الـدافي قـصـيـد يـدغـدغ الأذنــيـن = هـمـس وإحـساس (بـنـوتي) بـنكهة سحـرٍ(إنـثـاوي)
امانه مـنـتي بـ شـمعـة وفـتـنـة جـيـل بل جـيـلـيـن = أمـيره تنكسـف شمس الضحى من نـورك الضـاوي
أبـدعي لـك وابي من يسمع ويقرأ يـقـول آمـيـيـيـين = يـارب أسـالـك تشـفــيها:/ لـهـا مَن غــيـرك مـداوي
تـري لـك في المرض أجـر ومثوبه كان ماتـدريـن = ورحـمه0حـيـث لـطـف الله لـروحـك دايم مخاوي
خـلـقـك الله قـمـر0مـتـمــيـزه خُـلـق وجـمـال وديـن = كـبـيـره حـيـل بعـيـوني ومحـدْ لـظـفـرك تـسـاوي
تمكـن بي هـيامك ثـم سـكن بي من ثــلاث ســنـيـن = ونـا مــدري بــأني مـن زمـن في خـافـقـك ثــاوي

[داعي الشوق]

صح لساااااااااااااااانك يا بو فيصل

و الله يقوّم البنوته بالصحة و السلامه

قصيدة جميلة

ترجمة مشاعر جميلة من قلب شاعر

صح لسانك مدد

ولاهنت

************

[صعبة المنال]

الله الله الله روووووعة
صح لسانك وحرفك مدد بلا عدد

خليتنا نغار يا مبروك الماضى

الحمد لله على السلامة... يا مطول الغيبات
والف سلامة على الحلوة


صعوووووب


صعوووووب

[منيع]

ياسلام
ابداع وتميز
تسلم اخي الكريم
تحياتي لكم

[الطائر المهاجر]

وين جرفك تيار الحب
ولاقلتي إيلي/(مبغوك مغسي) ذبت صرت أثنين=ثلاثه أربعه خمسه: وأقول الحلو وش نـاوي
اجل خذ هالمداعبه
ترى ناوي على جيبك فخلك فاطنٍ يالشين= وشوف المنظره تلقى وجه دجال ياغاوي
تحسبك قيس في وقتك وعمرك جاوز الخمسين= وجيبك فاضيٍ مافيه غير الفقر يالواوي

سلمت وصح لسانك وقلبك
ولاهان راسك
تحياتي

[حي الضمير]

ياسلام يابوفيصل

قصيده رائعه وابدعت يامميز
ومدد صح لساااانك

[عمر ال شيبي]

صح لسانك الين انها طيبه من شاعر طيب مشارك محنك متفاعل
ما يغيب كثير

لا هنت شاعرنا

[حرف وشعر]

بوفيصل هلا بالغالي وربنا يطمن قلبك


علي الحلوه ويبارك لك فيها


نص في من الحنان الشئ الكثير


تقبل الود يالغالي

[فارس القوافي]

يعطيها الصحة والعافية


صح لسانك يامبروك

والحمد لله على السلامه


لاهنت ياالذيب لاهنت


دمت بخير

[عبدالعزيز العمار]

أأأأأمين يارب العالمين

صح لسانك يامبروك وصح قلبك وفكرك وكلك

جزله ورائعه كما عودتنا

لاهنت ولاهان راسك وتقبل مروري وتحياتي