روح الذويبـــــي ( أول الغيـــــث )

[نايف عليان الذويبي]

السلام عليكم ورحمة الله وبركاته


تحيه خاصه لكل الرواد


وبما ان الاسم تم اكماله من قبل رائد الجمال ( صاحب المنتدى )


باضافة لقب الذويبي خطر لي نزول هالقصيده



شكرا يادكتور على اضافة اللقب والى روحك وروح الجميع



اقطف لكم روح الذويبــــــي كخير بدايه تمثلني أما م راياتكم البيضا




روح الذويبــــــــــــي

يابارق(ن) بأذنى صدى من رعيده =جدد على روح اّلذويبـي جداّيـد
من قبل أخيلك واّلمشاعر عنيـده =وطرحتهاّ طرح الّصقر للّطراّيـد
تسلم يمينك كـل طعنـه سديـده =علقتها وسـام عشـق وقلاّيـد
ونظمت لعيونك قصيـده جديـده =طوعتها لوهي مـن أول شراّيـد
الّعاصياّت من الّحـروف اّلعنيـده =اّلنايفات امـن الّمـزون الّفراّيـد
وقدمتهاّ بيـن البيـوت الّعتيـده =حتى تناّفـس باّلنظـم والفواّيـد
ولاطحت ياّحظي فدتك الّقصيـده =ولا قمت ياّحظي نظمت الّقصاّيـد
ونا ولد قوم (ن) تحب اّلشديـده =بالذاّت لاّكانـت بوقـت اّلشداّيـد
الكل منـا جـاّري فـي وريـده =حب اّلصداّره دونمـا ّ أي عاّيـد
أخوال خير اّلخلق جمله وحيـده =فيها أختصّاّر لكل منطوق زاّيـد
ردد ياحرفي كـل جملـه مفيـده =يقنع بها ّ الّلي يعرفون العواّيـد
في حكم أبو متعب ودرعه عضيده =سلطاّن للّأحساّن والخيـر راّيـد
تلبس حروف الّشعر حله فريـده =ويصوغهاّ فكري على رجم ناّيـد
أتعبت رجلـي بالّجبـال اّلبعيـده =وماّهي من أول ياّفهد لي عواّيـد
اّلين ماّسقت الّقدم وسـط قيـده =وسلمتهاّ قلب(ن) به الّحمل كاّيـد
دخل على جـوي وهكـر بريـده =والأمن قبلـه بالمعاّليـق ساّيـد
طويتني طي الّـورق والّجريـده =ماّباقين بالّجوف عنصر محا ّيـد
سبحاّن ربي كيف ميـز عبيـده =وخلاك عن باّقي عطاّيـاه زاّيـد
ركزت رمحك واللّهب في حديـده =ونصبت لي كل اّلشرك واّلمصاّيد
والحين شوفيني على اّلدرب سيده =كل اّلنسا .. لامن حضرتي زواّيد
يفداّك ناّيف والشعـر واّلقصيـده =والروح وأنغام اّلطرب والقصاّيـد
شاّعرك في حضرتك ينعاّد عيـده =يرقى لعينـك عاليـاّت السناّيـد
مداّم ربي حط موتك علـى اّيـده =أبشر بحتفك واّلمشاّعـر تزاّيـد
وختاّمها ذكـرت جملـه مفيـده =ماّلي ومـاّل أمكبريـن اّلوساّيـد

وسلامة عيون الجميع .. وشكر مقدم على فيض الاحساس الراقي .

[احمد الجريفاني]

والنعم والله قصيدة اضافة لنا الكثير منذ ان شرفنا الدكتور هنا شاعرية لا يختلف عليها اثنان سلم الاحساس ودمت بحب 0

[زهرة اللوتس]

الذويبي
سلمت وصح لسانك
جزلة من راس جزل
لاهنت وبيض الله وجهك
تحية طيبة

زهرة

[الـزلـزال]

سبحاّن ربي كيـف ميـز عبيـده=وخلاك عن باّقي عطاّيـاه زاّيـد
ركزت رمحك واللّهب في حديـده=ونصبت لي كل اّلشرك واّلمصاّيد
والحين شوفيني على اّلدرب سيده=كل اّلنسا .. لامن حضرتي زواّيد

نايف الذويبي
قصيده رائعه ومتقنه وجزله
من شاعر رائع ومتميز فيما قدمه لنا
أبدعت غالينا ولنا أمتعت
صح لسانك ملايين ملايين
ولك فائق تحياتي وتقديري

[الطائر المهاجر]

الكل منـا جـاّري فـي وريـده=حب اّلصداّره دونمـا ّ أي عاّيـد
والف ونعم
والحين شوفيني على اّلدرب سيده=كل اّلنسا .. لامن حضرتي زواّيد
شاعر وهذا ليس بمستغرب

مصافحة رائعة من شاعر رائع
صح لسانك مليون
لاهنت ولاهان مغليك
تحياتي العطره

[عبدالعزيز العمار]

شاعرنا الذويبي/

صح لسانك وجاد بيانك...

جزل ماتجيب الا الجزل

تحياتي وتقديري

[نفحات حساسة]

صح السانك..واعتلى شانك
.. ولا هنت اخوى نايف..
رائعه..كروعه كاتبها...
وكما قلت اول الغيث..
راح ننتظر المزيد من ابداعك
يعطيك العافيه..تحيتىلك..

[عاشق الابداع]

رائعة بل درة من الدرر
احسنت
وصح الله لسانك
ولاهانت
ودي واحترامي

[هاوي الاشعار]

أتعبت رجلـي بالّجبـال اّلبعيـده
وماّهي من أول ياّفهد لي عواّيـد
اّلين ماّسقت الّقدم وسـط قيـده
وسلمتهاّ قلب(ن) به الّحمل كاّيـد

مبدع بل ساحر قاف
صح لسانك وكلك
ولا هان راسك
مع أطيب تحياتي

[حوريه]

نبض رااائع

من شاعر راااائع


يسلم قلبك

واحسااسك


دمت ودااام عزك

.