ريــــــــــــــــم الحسا

[ماجد الزيد]

السلام عليكم ورحمة الله وبركاته
معذرة ً على الانقطاع يا فطاحلة لظروفة وارجوا الباري ان تكونوا بخير وعافية مع خالص ودي وتقديري

من غلاها صرت ما احلف غير في حب الحسا=ومن غلاها صرت مجنون ٍ وعاشق للجنون
طفلة ٍ بعيونها متخالطن صبح ومسا=وفي نحرها شفت كيف الشّمس تشرق من ليون 1
عينها لا سهلمت لي خدرة ٍ تحت الكسى=طحت مغشيّن عليّ مْصوّب بْسهم المنون
والله ان رموشها ضباط صفّوا لرْيسا=كل ما ترمش يصير العالم بكبرة عيون
في شفايفها يذوب الحرف ويموت الاسا=وبسمة ٍ منها تدفي الكون من زمهر كنون
كل هم ٍ ينقتل في عين ريم و ينتسى=عينها اللي علّمت عاشق يموت ولا يخون
وجهها باطهر سواليف الهوى معي اكتسى=كل ما شفته تنفّست الفجر ريح الدخون
مختلف عقلي وقلبي هي صحيح من النسا؟=ولا هي حوراء فرّت من جنان ٍ وآعيون
الوكاد ان الغلا للريم بالخافق رسا=وكل عرّق ٍ من غلاها صاير ٍ وادي شجون
شاربه فنجال قلبي تحتسيني احتسا=الا قلبي صبّته . والخلق ذولا وش يبون؟
روحها حلّت بصدر ٍ ما نزل فيه انجسا=عرشها والملك لله ثمّ للريم المصون
والله انّي من غلاها صرت مآ عرْف القسا=حتّى في فمّي (بهاذا) صايره هالحين (هون)
قال: قلبي والله انّه . قلت ياقلب اتخسا=صدّق انّي لا هويت الرّيم ولا هم يحزنون
قال: يعني . قلت: يعني.قال يا عل وعسى=قلت تدري: والله اعشقها الىٍ حد الجنون
اوالله انّي من غلاها صرت عاشق للحسا=وكل ّ موطن غير موطن ريم في عيني يهون

ليون مدينة فرنسية اشتهرت بجمال طبيعتها

[حوريه]

شاعرنا الفذ...ماااجد الزيد

لاأجد في كلماتي مايعبر عن روعه هذه القصيدة وجمالها

فكل مافيها مميز،،

نقلها أحساسك قبل أناملك لنا

دااام حرفك وابداااعك

.

.

[عذب القوافي]

قصيدة من نور استاذ / ماجد

عدت وازداد الجمال في قصائدك

والحمد لله على السلامة اخي الكريم

صح لسانك مليون يالغالي

تقديري ,,,,,,,

[منصور العبدالله]

طفلـة ٍ بعيونهـا متخالطـن صـبـح ومـسـا
وفي نحرها شفت كيف الشّمس تشرق من ليون 1
عينها لا سهلمـت لـي خـدرة ٍ تحـت الكسـى
طحت مغشيّـن علـيّ مْصـوّب بْسهـم المنـون
والله ان رموشهـا ضـبـاط صـفّـوا لرْيـسـا
كل مـا ترمـش يصيـر العالـم بكبـرة عيـون



الله ما اعذبك

الله ما اجملك

الله ما اجزلك

غياب نفتقده وحظور ننبهر منه

ماجد صح لساانك ملاييين

[داعي الشوق]

أنت وينك أنت ؟؟

أثاريك بالحسى طول المدة

،،،،،،،،،،

صح لسانك يا ماجد

و الحمد لله على السلامة يا خوي

و لاهنت على هذا الابداع الجميل

والغير مستغرب من شاعر بحجم ماجد الزيد

صح لسانك مع التحية لك

[ابوعبدالرحمن القريشي]

قال: يعني . قلت: يعني.قـال يـا عـل وعسـى
قلت تـدري: والله اعشقهـا الـىٍ حـد الجنـون
اوالله انّي من غلاهـا صـرت عاشـق للحسـا
وكل ّ موطن غير موطن ريم في عينـي يهـون

وانا اقول انك مبدع الى حـــــــــــــــــد الجنون

صح لسانك

دمت بود

[الطامي]

الزيد
صح السانك
والله يعينك علينا اهل الجنوب
جزلة من جزل لافض فوك
شكرا لك

[عبدالرحمن حميد الغانمي]

صح الله لسانك يا شاعرنا الأعجوبه

حقيقه قصيده لا أمل من اعادة قرائتها مرارا و تكرارا



مرة اخرى عزيزي اقول


صح الله لسانك

[الخنساء]

صح لسانك مليون ولايكفون
قصيدة جزلة وبوح رائع
والحمد لله علي السلامه

سلمت ودمت بخير

[عبدالعزيز ابراهيم المنصور]

دائمـًا رَائِع

ماشاء الله ُ عليّك

دُمْتَ ودامَ هَذا الإبْداع

لافضّ فُوك

دُمْتَ بِخَير