من أرشيفي والشرهه على البدايات

[عذب القوافي]

طقيت أناأبواب الزمن أمشي أدوّرمن جفى= أسأل عن اللي طعنته تنزف جروح (ن)من قديم
ماأحد(ن)يشاركني الألم وأقول ياقلبي كفا=بين البشرعايش أنا كني بها الدنيا يتيم
ساعات يسأل خاطري وين الحبيب اللي أختفى=عل وعساه بدنيته مرتاح عايش في نعيم
سؤال حاربداخلي ياهوه يارمزالدفاء=واثرك وقلبك يا عنودن لو كذبت انته غشيم
ترى المحبة تنكشف ياصاح من دون الوفاء=لا لا تمثل صاحبي الحب بالقلب السليم
ياليت تكفى نلتزم بوعود شمع(ن)ٍ قد طفا=وألا نسـيت أذكرك دمع(ن) نثرته يافهيم
المشكلة مهماأغيب تدري من اللي قد لفا=ماغيرقلبي والألم والرب وحده هو عليم

تقديري للجميع .

[ماجد المهدي]

يا ابو خزيم



صح لسانك قصيدة جميلة ويا محلى البدايات

بس هنا الكسر

وأثرك وقلبـك ياعنودمهمـا كذبـت تبقـى غشيـم

لو قلنا

واثرك وقلبك يا عنودن لو كذبت انته غشيم

والبحر هو الرجز الرباعي على ما اعتقد

تحياتي لك

ماجد المهدي

[يوسف الشقران]

يابن خزيم انت شاعر تعجبمني كتاباتك جداا

وعلى قولتك العتب على البدايات ( لو تشوف بداياتي ماتلقى فيها اللي اللي مجبور وزنه )


لكن يبقى المعني رائع


تحيتي

[عذب القوافي]

أخي ماجد أشكرك على مرورك الكريم

سررت بمرورك الكريم وأشكرك على تعديل البيت المكسور

تقبل خالص ودوتقديري أخيك


(( أبوابراهيم ))

[عذب القوافي]

المشاركة الأصلية كتبت بواسطة يوسف الشقران

يابن خزيم انت شاعر تعجبمني كتاباتك جداا

وعلى قولتك العتب على البدايات ( لو تشوف بداياتي ماتلقى فيها اللي اللي مجبور وزنه )


لكن يبقى المعني رائع


تحيتي

الأخ الأستاذ / يوسف الشقران

سررت بمرورك الكريم أستاذي

مودتي

[ماجد المهدي]

طيب يا ابن خزيم

ويش رايك ننقلها من هنا لان مكانها غير سليم حالياً

[عذب القوافي]

الأستاذ / ماجد المهدي

تأمر أمر اللي تشوف يالغالي

مودتي .

[ماجد المهدي]

صح لسانك مره اخرى ولا هنت

تنقل للهمس

[الصريح العتيبي]

الشاعر القدير/عبدالكريم-------------سلمه الله
صح لسانك واعتلى شانك
ابيات جزله من شاعر جزل
استوقفتني كثيراّ لتكرار قراءتها
دام ابداعك
دمت بخير حال

عبدالكريم بن خزيم

بدايات جميله جدا

صح لسانك على هالابيات الرائعه

تحياتي