عايض بن سرحي/صنداح الزلامي /ماجد المهدي

[ماجد المهدي]

انته يابن سرحي تشوف الناس ولا ماتشوف = وش قربك للنار وهيه والعن مشهابها (صنداح)
صنداح ماعندي هوى للي ينقّش في الكفوف=مبروك ياصنداح كان الحظ يمك جابها (عايض)
يا هاجسي حاول تجاري هالصريح وهالعطوف = صنداح غالي والطروق اكثار وانت ادرى بها (ماجد)
عايض هلا بك عد ما في بيتكم كل الرفوف = هذا انا جيتك وناري هالفطاحل خابها (ماجد)
حنانعرف اللي يصك الباب ولا انت معروف=ماجد ليامنه بغاله جاجةٍ ماجابها(صنداح)
صنداح اشوفك قمت تلعب بالحروف=ماجد يشب النار والمهدي ترى شبابها (عايض)
جات الرسائل ياجماعتنا وقطعنا الظروف =عنوانها صعبه وانا من دونها وولابها(صنداح)
ماشاركك حب الصبايا عن مشاركم عزوف=الله يبارك للصقر في اسلابها واثيابها (عايض)
ويلك على اللي كنه الشنكار والراس معطوف =اعرف جمال اعقيل يارجال عوج ارقابها(صنداح)
وراك ياصنداح ترضى يالزلامي بالنصوف=اقلع وكرّم لحيتك ياصاحبي واشنابها (عايض)
صنداح لو عني تغنى كان صوته باللطوف = ام انت للغندر شرات الاسٌد لا هو طابها(ماجد)
مكه شكت منّك لجده لا وحتى للهفوف = وانا وانا في جدةٍ ادعي يحفْظ اصحابها (ماجد)
ليتك على الكعبه تمر وتستعي والا تطوف=والاخره ياماجد المهدي حسبت احسابها (عايض)

[خالد العمري]

عايض بن سرحي/صنداح الزلامي /ماجد المهدي

صح السنتكم جميعاً ويعطيكم الف عافية

سلمتم والله يعافيكم ماقصرتوا

الصريح وصنداح وماجد ابدعتوا

تحياتي

تسلمون وصح السنتكم

[الطامي]

الله عليكم
فطاحله
وين انا منكم
ولاكن العوض بالجاي
صح السنتكم جميع ولاهنتو