ليش هاذي الهويه محببه لدى الناس عانه والسعوديين خاصه؟؟؟؟؟

ستشوار عبدة · 08-10-2006, 07:30 PM

صبحهممممم بالخير والرضا والسرور <- توها تصبح ولله الحمد والمنه

اليوووووم وبعد مذابح وذبيح وحب خشووم ودعاوي من امي الفاضله (استحي على وجهتس وشلون بيصير وجهك اذا جاك عيال وماصار مع امهم الا ثنوي )<- معنى أني احس ان مافيها شي

قرررت اني ادااوم وانهي اجازتي الصيفييه اللي قضيتها بالتسدح والتبطح عند المكيف وجمع الطوابع والتزحلق على السيرامييك <- يعني افهموها تونا مسرمكيين

وجربت أني اقنع نفسي اني مشتاقه لكليتنا العزيزه والجميله ,, بعدها اقتنعن بس موب ذاك الزود
قمت الصباح وكشخت وتغندرت وتلبست كني بزر اول مرره يطب المدرسه وليته على سنع في الاخير الله يخلف بس <- ماتكشخ الا اول يووم

وزي العاده نشبنا ساعه فالزحمه حقت(7-7,30) ومثل اي بنت اذا علقت بذا الزحمه تسمي بالرحمن وتبدا شغل القز وتطير عيونها وكنها اوول مرره تشوف ناس والا شارع <- موب كلهم وانا عندكم اكبر دليل

وقفنا عند الاشاره الاولى والتفت يميين والقى ذاك اللي مدخل اصبعه في خشمه ويحفر ويطلع ويدخل مدري وش يسوي <-- احلفي خخخخخخخخ

بس الظليمه شينه يمكن فيه نفره والا شي

شوي ويجيينا الثاني اللي متحمسس ومدخل بكل خنفر اصبع مايدري وش يبدي وعيونه طالعه ومعصب ومكترب <- حسيت ان اللي فيه ناشبه بشعره هههههه ,, ولعت الاشاره ومشينا وانا ادعي ربي انه يفرج همه وكربته

وعقبها الثالث مشخص ومحترم نفسه <- حبته
بس شوي اللي يهدييه ياخذ المنديل ويبدا يفررك (زين فكر بالمنديل غيره ماعنده نيه يمش خشمه بطرف شماغه)

ومن بعدها جاكم الرابع <-- هو اكثر واحد خشيت معه جو

جينا وهو في اخر مرحله(يكور وينطل ) <- طبعا الدريشه مفتوحه
ولينه فاق خشته ويضحك ويتبسم ويحس انه مسوي انجااز انا بدون راي قمت اصفق له واصفر واقول علييييييييهم عليييييييييييهم <- تسمع بالتشجيع

وعقبها للاسف دخلنا اللفه ومامداني اشوف شي <- عاجبها الوضع هههههههههه

مايستفاد من كل هذي المصاله :

1- ان التنغيف موب عيب

2- حتى البنات عندهم ذا الحركات بس من تحت لتحت <- تحرش

3- قضاء الوقت في هذه الهوايه الممتعه والمسيله وخاصه وقت المذاكره أحسن من دجة الشوارع والالا ؟

4-لازم نلقى حل لذي الزحمه تعبنا وحنا نجيب اعذااار

ستشوار عبدة · 09-10-2006, 07:48 PM

وييييييييييييييييييييييييييييي يييييييييييييييييييييييييييييي يييييييييييييييينكم ولا ما جازلكم الموضوع ولا ايش وينكم

بارقةأمل · 10-10-2006, 01:13 AM

حسبي الله على بليسك تقطعت مصراني من الضحك وحامت

كبدي من القرررررررررف وبنتي تحسبني إنهبلت مغير تقول ماما؟؟!! ماما؟؟!! وشفيك خلاص سكري النت

والله المفروض إللي يسوي هالقرف يفرض عليه غرامة تعدي علىمشاعرالأخرين

ومشااااااااااااااء الله وصف دقيق ما لاعت كبدس وععععععععععععععععععععع

ستشوار عبدة · 10-10-2006, 06:28 PM

المهنه الله يكثرها كما تتكاثر البدو في الصحراء والطيور في السماء<<<<ياهوة يالتشبيه وخروا عن الطريق
والله الله يحيك ويعافيك وين الاعضاء ما شوفهم ولا حومت تسبودهم