مجاراة لقصيدة الطائر المهاجر (نصيحة)

[رفيعة الشان]

السلام عليكم ورحمة الله
هذه مجاراة لقصيدة الشاعر الطائر المهاجر(عثمان العبدالله)



قصيدة الطائر

الشعر ينزل صاحبه او يعلّيه= ومن كان عاقل ما جهل باختياره
فما كل ما يكتبه صالح لقاريه= فلْكلْ مقامٍ ما يناسب وقاره
ومنهو بلاه الله بأمرٍ يرديه = يستر على نفسه ويقعد بداره
وما يكتبه بالليل من وضع يمليه= لاينشره مادم يعكس خواره
فالناس تحكم من حروفه وتشنيه=فكم شاعر شعره سبب في انهياره
يجني على نفسه ومن كان يغليه= ويشمت به القاصي ومن كان جاره
ولو هو استمع للي يحاول يوعيه= ادرك بأنه ساعيٍ في دماره
فالكيف سم العقل ياجاهلٍ فيه = كم من رجل ودّاه لاقصى انحداره
ومن قال لك مامون يجهل خوافيه= لو كان حبّه او حشيش بزقاره
حتى ولو هو كاس من يسر يشريه= فالنار تبدا من حقير الشراره
لو قيل لك يعطيك ابداع ترجيه = تراه وهم مروجين التجاره
يحطم خلايا المخ من دون تدريه= وتبدا تصرف في مجون وحقاره
وفي الآخره عقلك يدور مداويه = في وقت ماله طب فيه الجداره
الله عطاك العقل وشلون تنهيه = والله عطاك الدين يحفظ ذماره
فلا تنجرف مع صاحب لك تداريه= واترك مجالس من شرى للدشاره
مايمهل الله من مشى في شهاويه = مهما يطول به الزمن في العهاره
في يوم يندم فالعقوبه تناديه = يشوفها في النفس وإلا صغاره
وفي الآخره معروف دربٍ يوديه= والعاقل اللي من يحدد مساره

المجاراة

أبدا باسم ربي وليي وبانهيه= قولٍ تبادر عقب قول النماره
شاعر يموت ولا يغير مباديه= مايوم من عمره يغير مساره
قوله درر كل الحكم في معانيه= يختار من ندر المعاني خياره
فالشعر ماكلٍ يجيبه يودّيه= ولاهوب كلٍ ظابطٍ به بهاره
وبعض البشر نية صفا اللي تخليه= يكتب شعوره في صريح العباره
يحسب جميع الناس تمشي مماشيه= قلبه نظيف وطيبٍ عند جاره
بعض الكلام يزين في عين حاكيه= اثره غرق في وسط ظلمة بحاره
ماياخذ الاريا من اخته ولا اخيه= ماخاب من يومٍ طلب الاستشاره
ومايلحق الشعّارلوم ومشاريه= اللي مشى بالدين يلقى وقاره
واللي مشى درب الوهن ما يباليه= هذا رديٍ ما براسه نعاره
وقد قالوا العربان من قبل لابديه=(الحر يفهم مقصدي بالاشاره)
وصلاة ربي عد ماجاد قاريه= معنى حروفي يوم جت له بداره
على رسولٍ ربي اللي موصيه= يُوصل رسالة عزته وافتخاره

[الطامي]

رفيعة الشان
هكذا عهدناكي في المقدمة دائما
صح السانك وبنانك ولا فض فوك
وافية من وافية وشاعرة متألقه
والى المزيد من الخير ورضى الله سبحانه
شكرا لكي
ولاهنتي

[نجم الإبداع]

الله الله

صح لسانك يارفيعه

مجاراه رائعه لشاعر قدير

من شاعره اروع

لاهنتي

تقبلي مروري

وتقديري

[محمد بن عمار]

السلام عليكم
صح لسانك يالشاعرة رفيعة
ولاهنتي على هالمجاراة
تحيتي الطيب لشموخك
محمد بن عمار

[زهرة اللوتس]

الشاعرة / رفيعة الشان
سلمتي وسلم فكرك
جزلة من شاعرة جزلة
لاهنتي وبيض الله وجهك
ولك مني
اطيب تحية

زهرة

[الطائر المهاجر]

واللي مشى درب الوهن ما يباليه
هـذا رديٍ مـا براسـه نعـاره
وقد قالوا العربان من قبل لابديـه
(الحر يفهم مقصـدي بالاشـاره)

احسنتي
وصح الله لسانك
مدد بلا عدد
ولاهنتي
تحياتي الطيبه

[منيع]

مجاراه ولااروع
بارك الله فيكم
تحياتي

[عذب القوافي]

صح لسانك رفيعة الشان وصح لسان الطائر

كلاكما مبدعين

تقديري ,,,,,,,,,,

[مبروك بن ماضي]

مجاراه ولا أروع من شاعرة قدير ة
لطالما استمتعنا بقراءة إبداعها
رفيعة الشان :
صح لسانك مدد بلا عدد
سجلي اعجابي تقبلي تحياتي

[عالي مستواها]

رفيعه الشأ1111ن

صح

صــــــح

صـــــــــــــــــــح

لسا1111111111111نك


مجاراة رأئعه لا هنتي


إبدعتي وماقصرتي ومو غريب على شاعره أمتعتينا


يعطيك ألف عافيه