اشوف بعض العرب ما يحترم نفسه

[الطائر المهاجر]

اشوف بعض العرب ما يحترم نفسه= حتى ولو هو كبيرٍ ترقل اسنانه
لا من دخل في المواقع ظنها عفسه= ولا شاف اسم الأناثي ضيّع ارسانه
كالثور لاشاف الاحمر دفرته جفسه= ما يدري اللي يخبي خلف نيشانه
يحسبه مستور محدٍ عارف بدسه= مايدري انه على المكشوف باعفانه
يغيب عقل الفتى لا زاد به مسه = تغويه نفسه ويلعب فيه شيطانه
ولو هو تفكر وحاسب نفسه بنفسه= ان كان في القلب لو جذوه من ايمانه
ما اظن يرضى على اخته غلطة طفسه= ياكيف يرضى يقلل في الملا شانه
وان كان ميّت ضمير ولاهو يحسه = فالله يمهل ولا يهمل بحسبانه
يشوفها في اعز الناس منغرسه = في زوجته او خواته او بعيلانه
"النت" كالبحر ياللي جاهل بغطسه= فخلك حذر دام ما تدري بقيعانه
ما كل اسمٍ مؤنّث يعكس لجنسه= البعض يخفي شنب لو غير الحانه
وما كل من شفتها انثى قلت ذي سلسه= يمكن تبيني بردٍ تجهل اردانه
ولو ليّنت هرجها عن جهل في وجسه= ما حسبّت زود بعض الهرج نقصانه
ما تدري ان الحصاني حولها شرسه= والكل جاهز يبي يفرس بنيبانه
والرجل يمكن يطيح بوحدةٍ نحسه= تسحبه معها لدرب ابليس واعوانه
من ساقطاتٍ بدرب النت في غلسه= يصيدن اللي خفيف العقل خيفانه
ماهمها غير جيبه تنتظر كنسه = وتلوي ذراعه اذا حسّت بعصيانه
فالرجل ماهو بشكله او غلا لبسه = الرجل عقلٍ يحكمه دين باشجانه
دينٍ بقلبه ولا هو دين للجلسه = يخدع لنفسه ويخدع غيره لسانه
والرجل من صان نفسه ماوطى الدنسه= حتى بحرفه وما يكتب بقيفانه
ولا شاف منهي تحاول جره بخلسه= فضّح بها شان يمنع شر باوطانه
هذي مثل فارةٍ ما تنقرب نجسه = ومنهو تساهل بها خوّان لاخوانه
وحنا بقصر الفطاحل من جهل حدسه= النهج واضح ومكتوبٍ ببيبانه
درب النقاء دربنا نحرص على غرسه= عن دين عن عقل نرفع عالي اركانه
ولا نقبل اللي انحرف يبحث عن الخسه= ولو هو تلون كشفنا خافي الوانه

[داعي الشوق]

يالطائـــر المهاجـــر
[blink] ،،،
صــح لســانـــــك [/blink]

[الصمت الثائر]

طائرنا المهاجر

درب النقاء دربنا نحرص على غرسـه
عن دين عن عقل نرفع عالي اركانـه
ولا نقبل اللي انحرف يبحث عن الخسه
ولو هو تلون كشفنـا خافـي الوانـه

دائماً وابداً ياخذ الابداع منك موطناً له

ليعيش بين احرفك النقيه الجميله العفيفه

صح السانك ولا هان راسك

الله لا يحرمنا منك


لك كل التحايا

[ابوعبدالرحمن القريشي]

ولو هو تفكر وحاسب نفسه ابهمسـه
ان كان في القلب لو جذوه من ايمانـه

ما اظن يرضى على اخته غلطة طفسه
ياكيف يرضى يقلل فـي المـلا شانـه

وان كان ميّت ضمير ولاهـو يحسـه
فالله يمهـل ولا يهـمـل بحسبـانـه

يشوفها فـي اعـز النـاس منغرسـه
فـي زوجتـه او خواتـه او بعيلانـه

"النت" كالبحر ياللـي جاهـل بغطسـه
فخلك حـذر دام مـا تـدري بقيعانـه

عقل وحكمة وقيادة

رائعة وبكل المقاييس يابو عبدالله


دمت حارسا لهذا الصرح الشامخ

ودام شامخا بوجودك

[حوريه]

درب النقاء دربنا نحرص على غرسه
عن دين عن عقل نرفع عالي اركانـه


الطائر ... صح لسانك مليووون ولا يكفووون..

لوحه شاعريه غايه بالأبدااع


اهنئكـ على رائعتكـ الأخاذه

دمت ودام عزك

[غازي البراك]

صح السانك وعتلى شانك

الابداع ماهو غريب عليك

تقبل سلامي

[نجم الإبداع]

صح لسانك يابو عبدالله


نص وافي


ابدعت

لاهنت


تقبل مروري

وودي

[صوت الإحساس]

صح لسانك


هادفه وقويه

نصائح من ذهب

لله درك يا أبا عبدالله


مبدع دوما بيض الله وجهك


لك صادق الود

[حمد العيد]

دكتور عالجتها بحمكة شاعر وبأسلوب راقي

الشاعر القدير / الطائر المهاجر

يغيب عقـل الفتـى لا زاد بـه مسـه
.....................تغويه نفسه ويلعـب فيـه شيطانـه

سلمت سلمت وما قصرت وصح لســــــــــــــــانك

ودي وتقديري

حمد العيد

[عيد مشعل]

صح لسانك


جزله

تحياتي لك