اعلان للي مابعد جرب الحب

[احمد الكثيري]

السلاوعليكم ورحمة الله
اليكم قصة بن فطيس
يقول ابن فطيس ،، كنت توي شاب في مرحلة الإعدادي
وجالس مع الوالد ،، وربعه .. سوالف وعلوم رجال وشعر
المهم واحد من الرجال ،، قال يالربع اليوم كنت ماشي بدربي
شفت لي بيت شعر مكتوب على جدار ،، يقول :

أعلان للي مابعد جرّب الحب = يترك طريق الحب قدر استطاعه
فيه الهنا ياتيك ساعه ويذهب = وفيه العنا ياتيك في كل ساعــه

المهم ابن فطيس يقول البيتين اعجبتني ،، !!
تعرفون توّهـ شباب ،، وقلبه خظر // مسك ورقه وقعد يكتب ..
المهم اليوم الثاني والرجال جالسين قال محمد بن فطيس يالربع ،، أنا كتبت بيتين
وبقولها لكمـ :

اعلان للي مابعد جرب الحــــــــــــب = يسلك طريق الحب بس بشجاعه
فيه الوفا والغدر والصدق والكذب = وفيه الفراق وفيه شوق اجتماعه
حظك على حظك تشجّع وجـــــرب= ان صبت والا غير تاخذ مناعـــــه

ضحك والده ،، وقال // من كتب هالابياات ؟ ،، قال محمد : أنا
قال أبوهـ عطني الورقة ،، ويكتب عليها :

أعلان للي مابعد جرب الحــــــــــب = يترك طريق مايجوز اتباعـــــــه
مع الرجا والخوف والياس والذنب = لو دام وصله ماومنت انقطاعه
شيئ غريب يشاع بالشرق والغرب = تركه قلاع واتباعه قلاعــــــــه

وكان رد الشاعر غيثان الكثيري

اعــلان للي ما بعــد جــرب الحــب = وش تنتظر.؟ راح العـمـر في قــطـاعه
حب , احترق , غامر ,تعلم وتكسب = صـــدق المــشاعــر والوفــا والمناعه
الحب شي راقي من القلب للقلب = احـساس عــذب وما يجــوز امتناعــه
لحـظة تساوي عمر والعمر يذهـب = هــذي حــياتك , عــيشها بالقناعــة
الحــب , يا زينه ولــو كــان مـتعــب = اسأل مجـــرب , والتجــارب بضــاعـه
خــذ مـا يناسب لك وخــلك مهــذب = مــرتاح انــا رغـم التعــب يا جــماعه
اعــلاااان للي ما بعــد جــرب الحـب = وش تنتظر .؟ يحــتاج فـعلاً شجاعه

وكان رد الشاعر احمد الكثيري (ابو جلال )

ابدى بذكره عدما الشمس تغرب=وعداد مالجت بقلبي وجاعه
جلال خذ بيدك قلم قوم واكتب=اوزن حروف القاف والقلب راعه
اعلان للي مابعد جرب الحب= الحب كالزورق تمايل شراعه
ماله بهذا الكون مخرج ومهرب= وش عاد لو طبيت في وسط قاعه
احذرك ياكل عاشق تجنب=درب الهوى لاتتخذها شجاعه
الحب مثل النار بالقلب يلهب= يلهب بقلبك مثل سم الافاعه
مما كتبنا لا تحاول تعجب=اسأل هل الصولات واهل الصناعه
الحب مابين الحنايا ترسب=عشرين عامٍ طايحٍ في صراعه
ازكى تحياتي عدمانزل الرب=واعداد موج البحر والا ارتفاعه
لمحمد بن فطيس قرمٍ مجرب=والعزوتي غيثان بين الجماعه

اتمنى انني وفقت في الرد على الجميع ونقل الموضوع

لكم تقديري

[حوريه]

صح لسانك يا أحمد والشعراء اللي معك
رائع جدا لا هنتوا حبيت اقتبس

الـحـب شــي راقـــي مـــن الـقـلـب للـقـلـب
احـسـاس عــذب ومـــا يـجــوز امتـنـاعـه
8

الـحــب , يـــا زيـنــه ولـــو كــــان مـتـعــب
اســـأل مـجــرب , والـتـجـارب بـضـاعــه
خـــذ مـــا يـنـاســب لــــك وخــلــك مــهــذب
مـرتــاح انـــا رغـــم الـتـعـب يـــا جـمـاعــه

تحيتي لك و دي

[الطائر المهاجر]

كفيت ووفيت
وانا اقول :
الحب في هالوقت من صنعة الغرب= بحثٍ عن الدولار في كل ساعه
والعاقل اللي عارفٍ منتهى الدرب = تمثيل في تمثيل فوق اللكاعه

صح لسلنك
ولا هنت
تحياتي

[احمد الكثيري]

المشاركة الأصلية كتبت بواسطة حوريه

صح لسانك يا أحمد والشعراء اللي معك
رائع جدا لا هنتوا حبيت اقتبس

الـحـب شــي راقـــي مـــن الـقـلـب للـقـلـب
احـسـاس عــذب ومـــا يـجــوز امتـنـاعـه
8

الـحــب , يـــا زيـنــه ولـــو كــــان مـتـعــب
اســـأل مـجــرب , والـتـجـارب بـضـاعــه
خـــذ مـــا يـنـاســب لــــك وخــلــك مــهــذب
مـرتــاح انـــا رغـــم الـتـعـب يـــا جـمـاعــه

تحيتي لك و دي

بارك الله فيك وشكرا لمرورك الجميل
لك تقديري

[داعي الشوق]

صح لسانك اخي احمد الكثيري

و الحمدلله على السلامه

ولاهنت يالشاعر ..

و بصراحه :

سالفة بن فطيس هذي ذكرتني بموقف الاصمعي عند مروره ببيت شعر مكتوب

على جدار :

يقول البيت ( يا معشر العشاق بالله خبروا = اذا حل عشق بالفتى كيف يصنع )

و هي قصة معروفه و مدونه بصفحات التاريخ .


وصح لسانك أخي احمد

[الحميداني]

شكراً لإتحافنا بهذه الفارهه
صح لسانك
ولاهان راسك
تقبل تحياتي وتقديري

[حنان الكون]

رايع جدا صحت الالسن
دمتم بكل خير

[هترل]

الحب مثل النار بالقلـب يلهـب
يلهب بقلبك مثـل سـم الافاعـه
ممـا كتبنـا لا تحـاول تعجـب
اسأل هل الصولات واهل الصناعه

الله الله

الفاضل الشاعر القدير ..
احمد الكثيري صح لسانك حتى الرضى
ابدعت وامتعت يالغالي
وصح لسان بن فطيس والشعراء الباقين
راااقت لي كثير الابيات لاهنت


تحياتي وتقديري

[منيع]

ياسلام عليكم
تعريف للحب في سياق جميل وعذب
شكرا لكم
ودي وتقديري

[سمّار]

مشكوور اخوي احمد على الطرح والقصيد
ورايع جدا صحت الالسن
دمتم بكل خير