قدرك من غلاك إرتفع

[محمد بن عمار]

السلام عليكم
بعد الغياب ..
هذه القصيدة أمرها عجيب
فعندما نويت الذهاب لصلاة
الجمعة ، جلست على عاتقي
وقالت مكانك ..! لابد أن تأخذ
القلم وتكتب ، أقسم بالله عشرين
دقيقة أجاهد مع نفسي حتى تركتني
والعجيب أول مرة تحصل .......

قدرك من غلاك إرتفع

ياهوى البال قدرك من غلاك إرتفع = والمحبة رمتني ،، في مغبة هواك
تاه مركب غرامي وسط بحرك طبع = فوق موج المحبة مبعد ٍ عن مداك
أصفق الكف وأدق الصدر وأبتدع = من جزيل المعاني في محاسن بهاك
فك قيد الأسير ،، اللي بحبك ، وقع = منوته شوفتك ، ولا حصل له ، لقاك
كان قلبك لشوفي ، ياغناتي جزع = فأنا قلبي ، لشوفك ذاب جعلي فداك
إرحم اللي ذبحته يالغلا ، بالدلع = واقف ٍ له ، بباب البيت ومرخي غطاك
أذهل الفكر ورد ٍ فوق خدك ، ينع = وصافي الشهد نزفه نازل ٍ من شفاك
كلما أحد ٍ جهر بإسمك نظيري دمع = ما أتحمّل ، كلام العاذل اللي شناك
بعد ماطير شوقي عند طيرك سجع = مرّ طير ٍغريب ٍ و احرمه من غناك
يوم جرحي تشافا ، في مكانه طلع = عدة جروح ،من جورك وزايد شقاك
لاعج أشواقي أتلف للحشاء وإنتزع = مضغة ٍ وسط جوفي ذابلة من جفاك
وعن أديم الصدر دم الوريد انقطع = مات زرع المشاعر عقب ماشحّ ماك
شوف حالي من الفرقاء براها الوجع = والمدامع بعيني ماجزت عن بكاك
كلما قلت شفيّ من وصالك ، قنع = قال قلبي وش اللي عن مرامك دهاك
وعقب ماشمع حبك في حياتي ولع = إنطفى .! يوم نقالّ الهروج ، إقتفاك
آآآآآه وآقلبي اللي إندهى وإنمزع = دكـّه الشوق وأصبح مشرف ٍ بالهلاك
كان هالحب ، والتقدير لك ماشفع = عند من ، كل همّه ، في حياته رضاك
فكل حب ٍ عفيف ِ في البشر إجتمع = لو يجيبون ، كثره ، مايساوي غلاك
من موارد وفاي وجم ّ شوقي ، نبع = حب من قلب صادق الله اللي عطاك

مودتي لتواصلكم محمد بن عمار

[الطائر المهاجر]

تميز في الإبداع
جزله من راس جزل
صح لسانك
ولاهنت
تحيتي واحترامي

[الراقي]

صح السانك حتى ترضى
ودمت بسعاده يا جزل
مع ارق التحايا والاعجاب

[عبدالله الشويمان]

صح السانك يا اخ محمد

وعودا حميدا.

والقصيده غنيه عن التعريف ما دام انت قايلها.

لا هنت لا هنت

[داعي الشوق]

هههههههه مرحبا يا بو عبدالعزيز ..

و عساك صليت بس ؟

و صح لسانك و طاب حالك يا مبدع

وافيه و ضافيه يالشاعر

الرائع مثلك ما يجيب الا درر

و الحمدلله على السلامه يالغالي

ولاهنت

[الدربيل]

سلمت
وصح لسانك
ولاهنت
تحياتي وتقديري

[ساهر الليل]

هالله الله يابن عماااااار

شعر وشاعر وشعور

وابداع وايما ابداع

صح لسانك والحمد لله عالسلامه

صادق ودي وتقديري

[منيع]

مبدع ورائع
شكرا لكم
تحياتي

[عيادة الجهيلي]

ياسلام ياسلام لله درك وصح السانك ملاييييييييييييييين ياشيخ

[عبدالإله]

صح السانك أستمتعت بكل حروفها
لك كل الإعجاب
تقبل تحيتي