راح مظهور حبك مع رحيل الظلام

[فواز الغسلان]

راح مـظــهــور حــبـك مـع رحـيـل الــظـلام=والـبـــداوه ظــعــونــه مـع عـلــوم الـربــيــع
عــقـب ما طـاح قـلـبـي في بـحـور الـغـرام=صار صـعـب(ن)بــقــانــا بـالـمـحـبــه جـمـيـع
لـيـش مـا بـان هــذا يـالــغـــلا قـبـل عـام=وقـبـل اطـيـح بـغـرامـك لاجـل نـطــلـع سريـع
وقبل اعـيش بخـيـالي مع نهـيـض الغـمـام=وقبل اشـوف الـمـحـبـه عـنـد عـيـنـي تـضيـع
تـدري انـي ضعـيـف(ن)مع فـروخ الحـمام=صـعـب اقــاوم غـزالــن فــي جــمــالـه بـديـع
والــنـــهـايــه ديــارك مـا لـنــــا بــه مـــقــام=وسارت ظـــعـون حــبــك عـن عـربــنـا نـجــيــع
سـقـت لـك حـب قـلـبـي مـثل ريـش النعام=كـلـهـا لاجـل عـيــنــك يـالــغـزال الـفــريـع
ويـل قـلـب(ن) خـذنـه نـاقـشات الوشام=وهـو يـظــن الـقـوافـي فـي هـواهــن شـفــيـع
حـبـهـن مـثـل زرع(ن) له خـضار وصرام=وكـل قـلـب(ن) يـجــيــهــن يـتــركــنـه ولـيـع
مـاشفــع لـي خـــوال ولانــفــعـــنـي عـــمــام=ولا رفـيــق(ن)رحــيــم ولاصـــديــق(ن)فــــزيـع
خافقي عـقب غدرك عن هوى الـبـيض صام=يـوم ذاق بـغــرامــك ســم الافــعـى نـقــيــع
كـنـت احـسـب الـصـراحـه لـلـمـحـبـه سـنـام=مـثــل نـجــم(ن)تـلالا بـالـسـمـاء لـه لـمــيــع
يـاحـسـايـف خـفــوق(ن)فـي غرامـه يـضام=راح يـطـرد سراب(ن) من غزالـن خديــع
ودامـنـي ذقـــت جـرحـك مـايـفــيــد الـكــلام=ولايـفــيـد الـمــداوي فـي خـفــوقـن صـريـع
كـلـمـا قـلـت حـظـي فـي هــوى الـبــيـض قــام=جاه رمح(ن)يـعــيده فـي جروحه جـضـيـع
ودام هـــذا قــرارك رح عـلـــــيـــك الــســلام=لاشـربــــنــا مـخـــــيــض ولاكــسـبــنـا ضــريــــع
مـكـسـبـي سـهـر عــيــن(ن)عـقـبـكـم ماتـنـام=من رمــاح(ن)صـوابـه فـي خـــفـوقـي وسـيـع
وشفت قـصــر الـمـحـبــه مـــع ركــونـه هـــدام=وحـكـم هــدم الـضـمـايـر يـاغـــنـاتـــي فـضـيــع
جــرح قـلــبــي بـــغـــدرك والـلـــه انــه حــرام=ونـــثــــر دمــعـي بــهــجـرك يـاعــــذابـــي شـنــيــع
قـابـلــن جــرح قـلـبــك مـاعــلــيـــكــم مـــلام=وعــــادتـــي مــن شــريــــتــه بـالـنــــهــايـــه يـبــيـــع

[حوريه]

شاعرنا الراقي ..فواز

دوماً حروفك لها وقع الوتر على أذن الملحن

يعجبني أسلوبك وطريقة سردك وتوظيفك الشعري

دمت ودااام عزك

[ام العمده]

الشاعر القدير/فواز الغسلان
صح لسانك واعتلى شانك
لاهنت على هذا الابداع
دمت بخير

[الطامي]

فواز الغسلان
صح السانك وبنانك
ولاهان راسك
ابيات طيبة وجزله
شكرا لك

[عبدالله الشويمان]

تدري اني ضعيف(ن)مع فروخ الحمام
صعب اقاوم غزالن في جماله بديع
ماشاء الله
صح لسانك ولاهنت يالغالي
قصيدة جزلة من شاعر جزل
وتقبل خالص تحياتي

[عيد بن سعدون]

شاعرنا الراقي ..فواز

استنتع دوم بمفرداتك العذبه

من حروفك اشرب قراح القوافي

صح لسانك ولاهنت

اخوك
عيد بن سعدون

[الخنساء]

صح لسانك اخى الشاعر فواز

لاهان راسك قصيدة رائعة

سلمت ودمت بخير

[ماجد المهدي]

صح لسانك قسم بالله مبدع وشاعر فحل

لا هنت

تحياتي

ماجد المهدي

[فواز الغسلان]

المشاركة الأصلية كتبت بواسطة حوريه

شاعرنا الراقي ..فواز

دوماً حروفك لها وقع الوتر على أذن الملحن

يعجبني أسلوبك وطريقة سردك وتوظيفك الشعري

دمت ودااام عزك

هلا وغلا حوريه ومشكوره على مرورك النبيل

تحياتي العطره

[خافي العبره]

الله عليك يالشاعر
صح الله لسانك ولا هنت
أبيات قمه ف الروعه
تقبل مروري