قصيده عن مليون قصيده بل ابعد من ذالك

[عبدالعزيز-]

ماجور يامن صاحبه مسرف(ن) فيه


طريح حبّ(ن) ما اهتنى في شبابه


تلعب به الفرقى وتختلف هقاويه


روابعه والليل مع من غدا به


يتبع هوى غال(ن) يصيبه ويخطيه


بسهوم حب(ن) ما يداوي صوابه


المقفي ابعد عنه واترك حراويه


والمقبل افرح به وقل يا هلا به


القلب يطمع فيه والعين ترجيه


سيمح المحيا تايه(ن) في شبابه


هافي الحشا ما شال طفله يعجيه


مخدوم ما قالوا يخيط ثيابه


يعطيك ما تعطيه والقلب يسقيه


غرو(ن) وفا وانقاد حبل الرجا به


هاوي طرب رب الخلايق مسويه


يكفيه عن زين الغنادير ما به


كاس الهوى يابد كل(ن) شرب فيه


لاشك ما كل وصل ما هقا به


انا اللي حب البني غارق(ن) فيه


اعوم في بحر طوال غيابه


اسري لهن والليل سود سماريه


وارجع ونور الصبح باد حجاجه


الى اعترض لي من زهت لي معانيه


ما قبلي احد لاحَبَه والتوى به


ارخص حياتي يم حيه واهاليه


ما عنه ردتني سيوف القرابه


انعم بوصله واهتني فيه وارضيه


لا طالب(ن) غيري ولابه طلابه


طابت جروح القلب في قرب غاليه


رمت به الاقدار والحظ جابه


أروي ظماي بذايب(ن) من اشافيه


شربي هنا ما هو بشرب النهابه


ان غاب عن عيني فقلبي يراعيه


وان غبت سلوى خاطري في جوابه


يا تل قلبي تل الغصن لاويه


تلة قوي(ن) ليّنه لين جابه


على اللي بانت بقلبي مهاويه


سود(ن) مضاريبه وجمر(ن) حرابه


الصبر عن شوفه ضعاف(ن) عراويه


والوقت أَعدّه واختلف في حسابه


لو رحت عني بعيد ماني بناسيه


هذا عنى قلبي وهذا ذهابه

الشـــــــــــــــــــــــــــ ــــــــاعر خالد الســـــــــــــــــــــــــدي ري - حقيقه من اندر قصايد الشعر وكل ماقريتها احس اول مره اقراها

[عبدالعزيز-]

ارخص حياتي يم حيه واهاليه


ما عنه ردتني سيوف القرابه


انعم بوصله واهتني فيه وارضيه


لا طالب(ن) غيري ولابه طلابه


طابت جروح القلب في قرب غاليه


رمت به الاقدار والحظ جابه
بـــــــــــــــــــــــــــــ ـــــــــجد قصيده جميله جدا

[عناد الرواد]

صح لسانك ولسانه

وشكرا على النقل

[الطامي]

عدالعزيز
صح السان الشاعر
ولاهان من نقل
شكرا لك

[عبدالعزيز-]

حياكم الله ومن ذوقكم

صح لسان الشاعر ،، ومشكور عبدالعزيز على النقل الجميل

تحياتي

[داعي الشوق]

الله عليك يا عبدالعزيز

دائما تتحفنا بما هو رائع و جميل في كل شي ،

يعطيك العافية ،،

متابع لكل ما يجود به قلمك

ولاهنت

[عبدالعزيز-]

حياكم الله ومن ذوقكم ومشكور اخوى داعي الشوق على التشجيع اللى يخلى الواحد يبحث عن كل ماهو جميل من تراثنا الشعري فحقيقه عندى مكتبه ضخمــــــــــــــــــــه جدا وفيها من اندر كتب الشعر ومخطوطاته ومع الاسف الشديد مشاغل الحياه اكثيره جدا وابعدتنى عنها فتره ليس بقليله - ولكــــــــــــــــــــــــن مالى غنى عنها فحقيقه اوعدكم جميعا في قصيده نادره لشاعر حاظر حضير العازمي فحقيقه من اندر النوادر فئلى الرابط الجديـــــــــــد وقراءه ممتعه

[نفحات حساسة]

صح السانه ولاهان

وسلمت وسلم اختيارك

[عبدالعزيز-]

من ذوقك اختى نفحات