سوق السبت وانا اتسوق

[الطامي]

وش حصل لي بيوم السبت وانا اتسوِق = شفت فيه الغزال اللي عجبني كلامه
شفتها صدفة وانا بفالي مروِق = طبعها من بنات الباديه والجهامه
(قلت ياقلب هيد جعل ابرك عشوَق = لاتولع بمن قفى فدتك الجهامه
قال لي انت وشبك ماتشوفن مطوَق = جيش حبه غزاني لاتلحقني ملامه
ردني في غرامه وانا قبله مفوِق = واختبص عندي الميزان يالله السلامه)
التفت لي وغرَد من عيون المشوَق = وارجهن الشجاع اللي نزل من مقامه
وقال ياهيه وشبك انت بس اتنوَق = ماتشوف الخلايق كلهم في تمامه
روح دور على اللي بالشهاده تفوَق = واترك اهل البوادي نازلين العدامه
قلت خافي من الله صرت منش معوق = لالسان يهجٍي ولاتشيلن عظامه
ارحمي الحال مني من لباسٍ مضوَق = وسعي دفة الستره وخشي العلامه
مثلكم ماتركتو في المدنيه تذوِق = ماكلين الخضر واليابسه والهلامه
الله اكبر عليكم يابوادي التسوق = اشهد ان السلامه منكم هي السلامه

ملاحظه:-
مابين القوسين خطاب مع القلب

[الطائر المهاجر]

تميز في الإبداع
وجزله من راس جزل
صح لسانك
ولاهنت
تحيتي واحترامي

[الطامي]

هلا دكتور
صح بدنك
وشكرا لمرورك
لاهنت

[عبدالمحسن الرحمه]

صح السانك يالغلا على هذا الابداع والتميز ودي لشخصك

[الطامي]

العمر
صح بدن
وشكرال مرورك
لاهنت

[منيع]

ياسلام عليك
مبدع ورائع
تسلم يامنصور
تحياتي لكم

[الطامي]

بو حمد
صح بدنك
وشكرا لمرورك
لاهنت

[هترل]

صح لسانك يابو محمد مدد
جزل ومبدع لاهنت
نص جميل وحضور مميز كعادتك

تحياتي وتقديري

[صنداح الزلامى]

الشاعر الطامي صح لسااااااااااااانك مدد لاعدد

ديما تتجدد في الطرح الفريد والنقلات النزعيه مع الغزل

ولكن احدر امامك منحدر خطر

[سعيد عوده الحويطي]

صح لسانك منصور المري شاعر مبدع ومتميز. ودايم مشكلة الشاعر انه مايخفي شعوره و اذا. مر باي موقف تحركة مشاعره ويبدع في بوح احساسه. تحياتي واحترامي