لو القمر ينباع بأسواق العثيم ..!!

[عدنان كريزم]

\

السلام عليكم ورحمة الله وبركاته


من بعد غياب ... وإدراكي بأنني مقصر ... لكن .. احيانا الظروف أقوى من الشخص



بإختصار ...











المدخل :::

يا كوكب بلوتو يا غايب عن الشمس = خذني بأرضك لو طقوسك أليمه
أدري بعيد ودنيتك ما بها همس = ضايق علي الهم ضيقة عظيمه

القصيده :::

الناس ما تدري وتحتاج تعليم = وما كل من يكتب يعرْف الكتابه
والعمر لو يكبر ما ينفعْه ترميم = والحزْن ما حرَك نحيب الربابه
الشخص لو في منصبه شاف تكريم = كثَف جهوده ما هبط بالاعابه
دام الهوى في غيرها صار تحريم = فتحت بابي للمحبه وبابه
عين الحسود إلي متحتاج تخريم = بينه وبين الولف أكبر ضبابه
جتني كذا صدفه ومن دون تقديم = مدري حِسن حظي على كيف جابه
شدّيت في قربه وصممت تصميم = وأدركت إني راضيٍ في عذابه
في حبها لازم على الناس تعميم = بنسى صِحَابي والربع والقرابه
لو القمر ينباع بأسواق العثيم = والله ما فكرت أحسب حسابه
في حبها أرفض من القلب تسليم = أو يعتقد إني رضيت بغيابه
قد لي ثمان شهور والوقت تحجيم = إمّا نعيشه او نشوف الغرابه
هذا كلامي والشعر فيه تجسيم = هذا سؤالي وأحتفظ بالاجابه !!

مخرج ::

يا شمعة الايام والليل طفّاك = مدري حسد أو قلةٍ فإحترامه
دام الخطا عداك والهم عداك = هذا كلام الليل! يقطع كلامه

[عبدالعزيز العمار]

عدنان كريزم

صح لسانك وجاد بيانك

وياهلابك من جديد طولت الغيبة علينا

حياك ربي وبياك ويسعدني ان اكون اول المتصفحين هنا..

تحياتي وتقديري

[حي الضمير]

صح لسانك ملايين
قصيده رائعه وجزلة وابدعت بارك الله فيك
أجزل التحايا والاحترام

[الطائر المهاجر]

حجز وانتظار

[سامي احمد الفيفي]

المدخل والمخرج بديعان جدا..

لكن يا عدنان وين السؤال اللي تحتفظ بإجابته؟!

صح لسانك ولك وافر التقدير..

[عبير الورد]

اهلا وسهلا بك

وصح لسااااااااااانك مليارات
سلمت وسلم منطوقك الجزل
ربي يعطيك العافية

[الطامي]

بن كريزم
صح السانك
رائعة
لاهنت اخي

[عبير الورد]

في حبها لازم على الناس تعميـم
بنسى صِحَابي والربـع والقرابـه





ابداااااااااااااااااع يستحق العودهـ
صح لساااااااااااااااانك ملايين
ربي يعطيك العافية

[داعي الشوق]

الشاعر عدنان الكريزم

الحمدلله على السلامه

و صح لسانك

قصيدة جميلة

كـ حضورك الجميل

وصح لسانك مع التحية لك

**********

[عبدالله مذكر العقيلي]

صح لسانك

والله لايهينك


تحياتي