بعض العرب يحتاج شعره لكشاف (بالصوت)

[الطائر المهاجر]

بعض العرب يحتاج هرجه لكشاف = حتى تعرفه قبل تبدا النقاشي
لو صاحبه حاول يغطيه بغلاف = ويصور انه واضحٍ كالفلاشي
حكيم وقته بالمراجل له اوقاف = يدري وش اللي يعجبك وانت ماشي
وليا لقى من يفهمه حاص باوجاف= ودوّر طريقٍ ياخذه بانتفاشي
كل ما يبي مدحٍ يوصله الاحقاف = لوهو مجامل راضيٍ بالغشاشي
يدخل باسامي واجده كلها اطياف= من شان مدح النفس في كل ناشي
فياظالمٍ نفسه بلا عدل وانصاف = خل الحكم للغير تاخذه كاشي
ومن قال لك كامل ترى حكمه اجحاف= الكامل الله عالم بالحشاشي
ما اعرف اجامل لا ولا اهزّ الاكتاف = فالحق منهاجي ولا به غباشي
توك حويّر لا سنامٍ ولا ارداف = فلانتاب مفرودٍ ولانتاب حاشي
والبحر واسع وانت تسبح بمغراف = كودك تعلم ما خفى بالطفاشي
اسمع كلام اللي صريحٍ وشفاف = وخل المطبل دام هرجه بلاشي

[عبدالله الشويمان]

كفو كفو يا ابو عبدالله..

ومحشوم انشاء الله من الجميع.

صح السانك وعلا شانك.

والدنيا اخذ وعطاء وتبي سعة الصدر..

دمت بخير يا الغالي.

كفووووو والله

جزله من راس جزل

صح لسااانك مليووون

وسجل اعجااابي

تحيتي

[نسناس الهوى]

كفوو يابو عبدالله
الشفافية ضرورية في بعض الأمور
صح لسانك ولاهنت

[ابومياس]

المشاركة الأصلية كتبت بواسطة المشرف العام

بعض العرب يحتاج هرجه لكشاف = حتى تعرفه قبل تبدا النقاشي
لو صاحبه حاول يغطيه بغلاف = ويصور انه واضحٍ كالفلاشي
حكيم وقته بالمراجل له اوقاف = يدري وش اللي يعجبك وانت ماشي
وليا لقى من يفهمه حاص باوجاف= ودوّر طريقٍ ياخذه بانتفاشي
كل ما يبي مدحٍ يوصله الاحقاف = لوهو مجامل راضيٍ بالغشاشي
وأنا صريح ولا عرف مسح الاكتاف = فالحق منهاجي ولا به غباشي
فياظالمٍ نفسه بلا عدل وانصاف = خل الحكم للغير تاخذه كاشي
اسمع كلام اللي صريحٍ وشفاف = وخل المطبل دام هرجه بلاشي
البحر واسع وانت تسبح بمغراف= ولا زلت مفرودٍ ولانتاب حاشي
ومن قال لك كامل ترى حكمه اجحاف= الكامل الله عالم بالحشاشي
والبعض لو هاجمك في كل اسفاف= لا قلت هرجه ناظرك كالنجاشي
ولو هو رجع للحق أو قول الأسلاف= فعينٍ بعين وكل مخطي يداشي
حلفت أنا ما ادخل تحت سقف وكّاف= ولا ادخل يدي في جحر بعض الغواشي

هلا وغلا ابو عبدالله

نص خارج عن المالوف من شاعر رائع

صح لسانك وعزيز وغالي

وسعة الصدر زينه وخبري بك وسيع صدر

وتعلمنا وساعة الصدر بس اكيد هذه القصيدة من خواطرك التي لاتنضب

تحياتي لك

[يسـ الصمت ـود]

الأخ المشرف العام : صـــــح لـــــســـــانـــــــك يالغالي وتسلمك اناملك







...تحياتي...

المشرف العام
تعشق الإثارة حتى النخاع
لا أقول تعشق الإثارة
ولا أقول تهوى الإثارة
بل تتنفس الإثارة
النص راقي وهادف من شاعر ليس بمستغرب عليه هذا الشي
صح لسانك عدد بلا مدد
تقبل تحيتي

[منيع]

الاخ المشرف العام
لاانك صريح فاللصراحة ضريبة
وردة الفعل منك بحكمة ورويه ووضع النقط على الحروف
جاءت به هذه الابيات المعبرة الواضحة
تحياتي وتقديري

[ابو أنس]

الفاضل ابوعبد الله...................
ونحن نعرفك عن كثب ونقر ونؤكد ماقلت
والإختلاف بالرأي ابداً لايفسد للود قضيه

كلمات جميله وجزله من رأس جزل
كل الشكر لبوحك ونزفك وجمال حرفك
كل عام وانت بخير

[الخنساء]

وأنا صريح ولا عرف مسح الاكتـاف
فالحـق منهاجـي ولا بـه غباشـي
فياظالمٍ نفسه بـلا عـدل وانصـاف
خـل الحكـم للغيـر تاخـذه كاشـي
اسمع كـلام اللـي صريـحٍ وشفـاف
وخـل المطبـل دام هرجـه بلاشـي
البحر واسع وانـت تسبـح بمغـراف
ولا زلـت مفـرودٍ ولانتـاب حاشـي
ومن قال لك كامل ترى حكمه اجحاف
الكـامـل الله عـالـم بالحشـاشـي
والبعض لو هاجمك في كـل اسفـاف
لا قلـت هرجـه ناظـرك كالنجاشـي
صح لسان مشرفنا
قصيدة رائعه تترجم واقع بعض البشر
سلمت وسلم شعرك
دمت بخير