غزة

[ناصر عبيد الهواوي]

يابوي لا تفتح قناة الجزيرة=ماعاد اطيق اشوف الاحداث ياعبيد
ومن القهر اونس بجوفي سعيرة=ومخي تعطل مااقدر ابدي ولا اعيد
مصيبة ٍ حلت بغزة كبيرة=من هولها يشيب من يرضع الديد
وردة فعل كل العرب جت مريرة=ياناس وش تعنيه شجب ٍ وتنديد
هل هي تصد الطائرات المغيرة=والا بعد هالقتل تحيي الأواليد
والا لأهل غزة تسوي بريرة=والا ليتمان ورمل غزة اتفيد
يالربع في طول التخاذل معيرة=يا كبرها على الرجال الصناديد
لويش تشرون الفشق والذخيرة=وتسلحون اجنودكم بالبواريد
ساكت عن الظالم ترا هو خشيره=حتيش لو يطلق عبارات تهديد
سلفيني امس بمصر لامر ٍ تديره=ومحمود معطيها للأهداف تحديد
ومظيفهم ما أرسل لربعه نذيره=يبي قوى باراك للشلة اتبيد

[داعي الشوق]

سلفيني امـس بمصـر لامـر ٍ تديـره
ومحمـود معطيهـا للأهـــــــــداف تحـديـد

ومظيفهـم مـا أرسـل لربـعـه نـذيـره
يـبـي قــوى بـــاراك للـشـلـــــــة اتـبـيـد

،،،،،،،،،،،،،،،،،

هذا بلا بووووووك

البلاء منّا وفينا

،،،،،،،

صح لسانك يالهواوي

و الله يهونها يا خوي

ويسلط على الظالم و الخاين

لاهنت يا عبيد

تحيتي لك

،،،،،،،،،،،،،

[الطامي]

الهواوي
صح السانك اخي
الله لايهينك ويثيبك ربنا سبحانه شكرا لك

[منيع]

ابيات معبرة ومؤلمه
والحديث ذو شجون
تحياتي

[حي الضمير]

في الصميم وابدعت ياناصر
والله ينصر اخوانا في فلسطين
ومدد صح لساااااااانك يامميز

[ياسر عبدالرحمن الخالدي]

الله ينصر الاسلام والمسلمين

صح لسانك قلت فاجدت بارك الله فيك
صح لسانك

[حوريه]

اسأل الله العلي العظيم ان يعـز الاسلام وينصر المسلمين
صح لسانك اخي وسلم بنانك
قصيده راائعه ومؤثره
كل الشكر والتقدير

[سناعيس]

صح لسانك يالهواوي
ولله درك مشاعر المسلم الغيور
لاهنت

تحياتي

[ام العمده]

ناصر الهواوي

صح لسانك واعتلا شانك

لاهنت على هذه الباسقه

ابدعت

دمت بخير

[محمد عبدالله البدراني]

العزيز الغالي ناصر عبيد الهواوي سلمه الله


لاهنت يابو عبيد

ومليون صح السانك

وعزالله انك صادق

وقلت واجزلت


وفعلا البلا من العرب وفيهم والتخاذل هم عنوانه


والا ماتتجرأ شرذمة اليهود على التمادي وقصف اخواننا وهم بيننا


تحيتي