بارحة راع الشمال

[سهيل الشمري]

إحْضبوا صفّين عشّاق الهوى عندي هِنيّه = واسْمعوا نبْضي وشِيلوها فرح لاجْل الحبايب
إخْذوا لْنزْفٍ وشدّنّه حروف الابجديّه = صوّرتْ فرْحة معنّا بعْد زينات الهبايب
ماحلا يارِفْقِتي هبّ الرّياح الموسميّه= اشْهدْ انّه تجْلي عْن القلب ضيقات ومصايب
بارحة برق الشمال اعْياد من جتْه الهديّه = لين غاب الليل واغلى الخلْق يلعبْ بالذّوايب
ماحلا كفّه بكفّي والمجالس احْمديّه = مرتوينٍ بعْض طول الليل هيمانٍ وذايب
نبكي ونضحكْ ونشْره هاويٍ معْه الهويّه = حلْوها دمْعات لقْيا بين مصيوبٍ وصايب
ياعرب لاتشرهون ولا تِعِدّونه خطيّه = لو حلفْت انّي لابيع الْعينه اصحاب وقرايب
ولاتلوموني بحبّه حبّها دوله قويّه = امْلكتْ كوني وسنّت فيه لاحْكامٍ عجايب
احْكمت فكْري وروحي واعْمت العين الشّقيّه = ماتهوم لْغير حكْمه بين زينات التّرايب
واطْوقتْ قلبي وشدّت ْللمعاليق بْيديّه = لين صار النّبْض يحكي باسْمها بنْت الاطايب
ويل حالي له محبّه نافتْ بذيّي وذِيّه= لهْ محبّه ماتزلْزلْ لين ركْزات النّصايب
هي هوايا هي منايا والامل واغْلى عطيّه= والرّباحه لي بوصْله والنّوى عنْها نِكايب
سامعيني باللّما والهمْس وبْضحْك الثنيّه = امْلكت قلبي نْهابه واحْكمتْ فيه الضّرايب
وانْبنتْ فيه الصّروح وحافتهْ صبْح وعشيّه = تامر وتنْهي لْحاله مامعهْ بالحكْم نايب
إيه تمْلكْ إيه تحْكم لنّها فوق الثّريّه = العذارى كلّ ابوها تِرْتِجي منها الْوهايب
والسّعاده في لِقاها واِبْتِعاده لي أسِيّه = والله اعْلم ماسِواه اللي خذتْ قلبي نهايب

[الطائر المهاجر]

هلا ومرحبا بالغالي
ما تغيب إلا وترجع سالم غانم
ماشاء الله وش هالزين
هذي درة ما لها ثمن
صح لسانك وفكرك
ولاهان راسك
تحياتي الطيبة

[ابو زياد]

اجل بـ يربع قلبك دامها استلمت زمام الامور
جعل قلبك يسلم ياسهيل
وصح كلك ياراعي الابداع

[منيع]

تسلم
ابيات رائعه
بارك الله فيك
تحياتي

[سناعيس]

الله الله
سهيل
ياعصابة راسي

كم لكلماتك الندية والقويه وقع خاص
فلا أستطيع الا أن أقول لك صح لسانك على هذه الباذخة

تحياتي

[ابومياس]

الله الله صح لسانك وعاش راسك اخوي

نص جميل المعاني

رائع الاسلوب

دام القلم

ودمت بخير

[الخنساء]

صح لسانك اخي الشاعر سهيل

لاهان راسك قصيدة رائعة

سلمت وسلم شعرك

دمت بخير

كلمات إنسابت كروعه كاتبها

و تألقت كالوحه إبداع راسمها

شكرااااااااااااااااااااااااااا ا اخي علي الكلام الجميل
و المعانى الحلوة

لك اجمل تحيات على هذه اللوحه الرائعه
دمت بخيرا ووفقك الله