شقيت لك صدري

[ماجد الزيد]

كانك تبي تعرف حبيبي غلاتك=باشقّ لك صدري كرامة واوريك
تبغى علومك ؟ ذي علومك وجاتك=بخير عايش في خفوق ٍ يداريك
فيه الغلا لحافك وشوقه مباتك =نام و تطمن مابه احدن حواليك
الجو ماطر فيه وازهر نباتك=يسقيه من طهر السّحايب و يسقيك
يسقيك حب ٍ وانت يالروح هاتك=هاتك تبيه العمر كله ونا ابيك
القلب يعشب حبّ لاحمت وطاتك=ويقفز جبل لو جات ريح ٍ لا راضيك
قلبي حِماك ودمّ قلبي حُماتك=اسرح وامرح يالغلا في بواديك
ارقّ الرّجوم ومن ضلوعي عصاتك=وعروق جسمي لك قصيدٍ يسلّيك
مابه سواك وشور عقلي . حلاتك=ما تمرّك الضيقة وروحي بكفّيك
بنيت لك قلبي وطن من صفاتك=محمي , عزيز , وشامخ ٍ شوف عينيك
لك مملكة ما كنّه إلا سماتك=طهر وْ وفاء عمَّر بيدينه مبانيك
ياللي فلا ذات ٍ مثل طيْب ذاتك=ماهو بنا مْزكيك , قلبك مزكيك
قلبي فنالك ثم حيابك وماتك=وعوّد حيا ثم مات ثمِّن حيا فيك
اعطيت لك قلبي مسوي , سواتك=وعمري عسى انّه بس ياليت يكفيك
لله درّك حافظ ٍ لك وصاتك =ولا أنت ما يحتاج باذن الله اوصّيك
ادعي بصلاتي لك . وتدع ِ بصلاتك=يرضى علي الله والله يرضيك
و يزيدك الحسنات , أو سيّئاتك=اكبر خطاياك الطهر في مواضيك
لا مرّني طيفك من اربع جهاتك=تضحك لي الدّنيا ونا معْك أحاكيك
اشمّ روحك وآتحلوا حلاتك=وراسك على صدري اضمّه وادّفيك
ويلا ذكرت الموت يطري شتاتك=ابكيك ويالله يا عساني فلا ابكيك
ابغيك بالدنيا غناتي غناتك=والجنّة ابغى ادخل لها ممسك ايديك
إن متّ قبلك بس عطني عباتك=ايّات شيء ٍ منْك لا صرت ما اجيك
وإن متّ قبلي متّ انا مع وفاتك=بنزل معك للموت حالف ما اخليك
بغيت تعرف يا حبيبي غلاتك=وشقّيت لك صدري علشان اوريك

[عمر ال شيبي]

الله عليك ما اروعك نطق وفكر ومظمون لا هنت وصح لسانك

طيبه من طيب

[حي الضمير]

قصيده كاااااايفه والقاء متقن
ومميز من شاعر التميز
ومدد صح لساااااااانك يابوحمد

[صعبة المنال]

القلب يعشب حـبّ لاحمـت وطاتـك
ويقفز جبل لو جات ريح ٍ لا راضيـك

المتميز

صح لسانك

[بنت العز]

صح لسانك ولاهنت
يعطيك العافيه

[زهرة اللوتس]

مابه سواك وشـور عقلـي . حلاتـك
ما تمرّك الضيقـة وروحـي بكفّيـك

بنيت لك قلبـي وطـن مـن صفاتـك
محمي , عزيز , وشامخ ٍ شوف عينيك

لـك مملكـة مـا كنّـه إلا سمـاتـك
طهر وْ وفاء عمَّـر بيدينـه مبانيـك

الله جميله ورائعه
صح لسانك
ولاهنت
تحية طيبه

[عبير الورد]

صح لساااانك وسلم منطوقك الجزل ربي يعطيك العافيه

[منيع]

	كل الروعه والابداع تحياتي لكم

[ماجد الزيد]

عمر الشيبي

صح الله بدنك

واشكرك على مرورك الراقي والكريم

احترامي وتقديري

[الخنساء]

ادعي بصلاتي لك . وتـدع ِ بصلاتـك

يرضـى عـلـي الله والله يرضـيـك

و يزيـدك الحسنـات , أو سيّئـاتـك

صح لسانك مليووووووووووون ولايكفووووون

قصيدة جزلة معبرة من شاعر جزل

سلمت ودام حرفك