فتشت صدري - صوتية

[ماجد الزيد]

فتشت صدري كنه البيدا وادوّر به فقيد=آدوره عل الحقه وأدعي عسى مايكون مات
البرد ينهش بالعظم والذيب عوّا من بعيد=والليل شايب منعمي والشيب وضّاح الفلات
الريح تفرك بالصخر وناتها قامت تزيد=والذيب أنادي لا تكفّ عن القنيب أرجاك هات
كنّه بعوياته يناجي خالق الخلق الحميد=يدعي وأنا أدعي والحيود السود تدعي بالثبات
يالله قدّرني ونا عبدك وأحبك يالمجيد=وأعشق محمد وأتبعه مؤمن وأحب الصالحات
ياسامع ٍ دب النمل يا محصي ٍ حب الحصيد=ياكاشف ضرْ النبي يونس وهو بحوت الموات
يارب بيدا والهلاك الي بها ياهو شديد=ضايع بها بعضي ونا' من فوق سبع الضاويات
أودعت لك بعضي ونا مؤمن وتفعل ماتريد=أمانة وعندك أمانات الخلايق آمنات
عنقا محبتها قِدَر من حين ما نزّ النهيد=عيني لها حارس وتحت العوج تحيى والسبات
ماكنها بجوفي ربت جنّة ولا إخْضرّ الجريد=ولا كنها قلبي غَذت نبضه ملت كل الجهات
ماكن ضحكتها جرت مع طهرها بحبل الوريد=ولا كنها صلّت بمحراب الضلوع الذاويات
ماكنها مرّة حكت تطرب كنيني بالنشيد=ولا كنّها يوم أسكرتني حين تقرأ المُرسلات
والله ليا قالت هلا مليون مرحب أو تزيد=كلّي تجمّع للطّهر والنور في عذب الصفات
ما كنّها إلا رآبعة صوفيّة الحب الوحيد=طهر المطر وأنفاسها عطر ٍ غشى ليل البنات
لوهي كذا راحت تمشّى بالجنان بيوم عيد=الحور يشكن للملك جبريل- (منها غايرات)
روح ٍ وريحان ودلال ولين خصر وطول جيد=والعين ليلى وألف ليلة من حكايا الفاتنات
في رمشها يسهر نظر عيني وإذا فزّت أعيد=ون سلهمت تدخل لغرفتها السحايب خادرات
يحوفها وجه الندى ويحبّها خدّن و أيد=ويشمّ مفرق شعرها• بستان ورد ودندنات
بسماتها فجر أندلس وتبشّر بعمر ٍ مديد=ونبراتها لآمن حكت وسط الكنايس رآهبات
آخيلها بكل الزوايا وصوتها (يبن الوليد)=لبيه يا عين الوليد ويالعروق النازفات
من مبتدا الفرقى وحنّا نعيش في عصر الجليد=الله يسامح صدقك و صدق العيون الباكيات
دورتك بصدري ولا حصّلت خفّاقي • أكيد=لكن محلّه وجهك الطاهر وعذب الذكريات
ذكرت عينك باكية وأنتي على كف الرشيد=نهر الفرات الي طلب وأعطيت قلبي للفرات
قولي لعينك • لو وهبني خالقك قلب ٍ جديد=فدوة طهر عينك خفوقي والسنين المقبلات

[عبدالعزيز البليهد]

الله الله

ارتوينا من عذوبتك ياماجد

سلمت وسلم صوتك وصح كلك ولاهنت

[منيع]

ماجد الشعر
دائما مبدع ومجدد
تحياتي لكم

[داعي الشوق]

صح لسانك يا بو حمد

و الحمدلله ع السلامه

قصيده ابداعيه ما فيها كلام

صح لسانك مدد

ولاهنت يا مبدع

[بنت النور]

صح لسانك وعتلى شانك
ولاهنت
جزله من جزل
تحياتي

[الراقي]

صح السانك على هـــ الجميلــــة
رائع شعرا و حضورا
دمت بِكُلِ مَوَدَةٍ

[حي الضمير]

الحمد لله على السلامه يابوحمد
ومدد صح لسانك يانجم
ابدعت حيل حيل وامتعت ياغالي
ولاجديد سوى ابداع يظاف لابداعاتك
لافض فوك يامميز

[الطامي]

الزيد
صح السانك ملايين
ابداع لافض فوك اخي
شكرا لك

[ابو أنس]

اخي ماجد......
لايمكن ان يمر نصك عابرا
لابد من التوقف عند كلماته ودلالاته وسحرعذوبته
وصلابة قوته
ولابد من تكرار قراءته وسماعه
دمت مبدعا متميزا
تحيتي وودي

[الطيف المسافر]

رائعه وبكل مافيها عذبه
صح لسانك ولا هنت على هذا القصيد الجزل والفاخر