وش عاد تسوى حياة (ن) مابها ذكرى

وش عاد تسوى حياة (ن) مابها ذكـرى = والروح وش عاد غير الشـوق تحيابـه
والشوق ماعـاد نـاره تولـع وتـورى = الا إذا هاجـس الذكـرى تـرى جابـه
وأن جاب ذكراه هاجس خاطرى أثـرى = وجدان روحي غرام (ن) وثـق أطنابـه
لي في حياتي غرام (ن) في هوى عذرى = أسكنتهـا بيـن جفـن العيـن واهدابـه
أسكنتها في خفوقـي مهـرة (ن) شقـرا = يحلابها الوقـت فـي عينـي وتحلابـه
تحيابها الروح مثـل الغيـث للصحـرا = لي عانق البيـد ماطـر عيـن سحابـه
وتعانقه شوق وجـد وموعـد ومسـرى = ولقيا غرام (ن) كسـاه الوجـد جلبابـه
الوجـد يملـي وأناأكتـي وهـو يقـرا = الشعر وأمست حروف الشعـر تزهابـه
لولاه ماعـاد شعـري يذكـر ويطـرا = ولولاه ضاعت حروف الشعـر بكتابـه
والشعر ياشاعر (ن) أدعى القلوب أسرى = أنا أشهد أنك سـراج الشعـر وشهابـه
الشعر من كفك اليمنـى إلـى اليسـرى = والشعر صنعة يديتك وأنتـه أدرى بـه
تولعت به قلوب (ن) في الهوى خضـرا = وعيون تسحـر قلـوب النـاس جذابـه
واشعلت به نار من جمر الغضى حمـرا = اوقدتهـا مـن لهيـب الجـوف شبابـه
وأهديتها للغلا وأهـل الهـوى بشـرى = قصايد (ن) من قراهـا يبـدي أعجابـه
ياصاحبي دامت الذكـرى لهـا مجـرى = في الروح تبقى ويبقى الشـوق لأحبابـه

[عبدالعزيز ابراهيم المنصور]

كَلِمَات رَائِعَة

وبَوح أروَع

ولَكِنْ أظُنْ أنّ الذكَرى احَيانـًا قاسَية

أشَكُرُكَ مِنْ الأعمَاق

دُمْتَ مُغَرّدًا

دُمْتَ بِخَير

[عذب القوافي]

صح لسانك أخي علي

نص وافي من وافي

لله درك يالغالي,,,,,,

[نجم الإبداع]

الله الله


صح لسانك ياعلي

جزل

لاهنت

تقبل مروري

وتقديري

[صعبة المنال]

صح لسانك


صعووب

[الينوفي]

وتعانقه شوق وجـد وموعـد ومسـرى
ولقيا غرام (ن) كسـاه الوجـد جلبابـه


الله الله
صح السااااااااااااااانك يالعميمى

[الطائر المهاجر]

صح لسانك واعتلى شأنك
نص رائع من شاعر رائع
لاهنت
دمت بود

[سناعيس]

صح لسانك ياعلي
ولله درك على هذه الرائعه

تحياتي

[رفيعة الشان]

الاخ الشاعر النعيمي

صح الله لسانك على ذا القصيدة

اللي تجبرنا نبدي اعجابنا فيها

[محمد عبدالله البدراني]

العزيز الغالي علي سالم النعيمي سلمه الله


مليون مليون صح السانك

وعلا شانك


قلت واجزلت

لله دررررررررررك

لله دررررررررررك


لي عوووووووووووووووده تليق


تحياتي
مع اسمى ايات الشكر فائق التقدير واطيب المنى رعاك الاله