ألم جديد : " متعبة نزوات شكي !! "

[هلال مزعل العنزي]

آه شفت الشك شب بهالضمير=‏ولعته الغيره وصرت أحطبه
وأنت مريت بمناجاته بصير=بالأسى في ذكريات المسغبه
شاغلتني واستباحت هالمصير=لحظة إغفاء الحلوم المسهبه
واحتفيت بهاجسك عبر الأثير=واستفاقت صورتك في مهربه
الخيال الخصب والشعر المثير=للعواصف والعواطف مشربه
همت لين الجرح هلل والبشير=عشق في صدري أعاني بسببه
شاعرك نبه ظما العزف الضرير=وإمتطى صمته وصاحه واكتبه
وارتكى للحزن وآلام الهجير=وامتحن ذهنه وشدة منكبه
في مفاوضْته مع الليل السهير=آثر إنه بالحياد يغالبه
متعبه نزوات شكي وأنت غير=‏فلسفاتك زي حبك متعبه
ما بُني من أنظمة حجب الصرير=والثقه فاق الظروف المعربه
وانتكس قدري معك لنّي سفير=للنوايا السود والمتذبذبه
حاتمي" جدت بالصبر الكثير=وأنت صدك لعنبو جدك هبه
يا بقايا زعلة الهرج المرير=يا مسافة صد بنت" معجبه
إيه كنتي معجبه لني فقير=بالعطايا بس عندي تجربه
تجربة عشق" له الجمع الغفير=صفقوا واقفوا ونلت المرتبه
صرت أميرك وأنت لظنوني أمير=والسوالف بيننا مستعذبه
كنت أبادر بالأمل والحلم طير=نفّس بتحليقته عن مطلبه
هات رزنامة هواجيس الأسير=ذاك حظ" بيني وبينه شبه
واستغل الطيش بالقلب الكبير=وانتهج ترويع دمعه واسكبه
إيه يا صمت التوجد والشخير=إيه يا أصدق شعوره وأكذبه
سندريلا الشرق يعني وأنت ( HERE )=تحضنك لهفة وشهوة مغربه
فلسفاتي بعثرة شهم ٍ كسير=ضاق يأسباب الحظوظ المضربه
عوق والغربه مدى والوهم سير=والدروب استكثرت حلم اهدبه
وانتفاضة شوق يا الطرف القرير=كانت لحيرة زماني أجوبه
أنت يا منقذ وليفك يا المجير=يا مغيثه والهجوس معذبه
إستغله وجد وإبله للأخير=وإبتدي به سهرتك واستجذبه
ما أظني عنك يا الحسن القدير=أستطيع أمنع جنوني واحجبه
وإن تحديتك وعاندت الجفير=‏طاش سهم الناعسات المرعبه
التغنج فصل إيقاع الخرير=‏والدلع ميزه تسمى موهبه
وابتسامك لا شدا جو" مطير=والتفاتك من يشوفه كهربه
وبخيني ضحك صمت" مستطير=خربشيني صيحة" مستغربه
أنت ضدي وأن تعاهدتك نذير=ورغم هذا كل ما خذته جبه
وانتصر لي وأثبت ظنون الضمير=أو بنار الشك ولع بإحطبه

[/QUOTE]

[عبدالله الشويمان]

الله الله

صح السانك اخوي هلال

قصيده جزله من شاعر جزل هو انت يا الغالي..

دمت بخير وصحه وسلامه ولا هنت

ولا تحرمنا من ابداعاتك ..

[الطامي]

هلال مزعل
صح السانك وبنانك
طيبة وجزله من شاعر فحل
لاهنت وشكرا لك

[الطائر المهاجر]

جزاله وإبداع
صح لسانك
واعتلى شانك
وسلم فكرك
تحياتي وتقديري

[سعيد الصاعدي]

الاخ الفاضل / هلال مزعل العنزي
صح لسانك لاهنت
نص شعري جميل جداااا
خلفه الاجمل بالتاكيد
تحياتي
أخـــــــــوك
س / ص

[محمد عبدالله البدراني]

العزيز الموقر هلال مزعل العنزي سلمه الله


الف الف مليون صح السانك

اتابع شعرك وافرح به لاني ارى بك شاعرا حقيقيا سواءً هنا او بالفصيح

قصيده رغم طولها الا انها متماسكه وقويه لم يفلت منك زمامها صغتها بحنكه

وبفن ... صياغة المتمكن من ادواته ومن فنه ,,


لله درك لله درك وسلم بوحك


تحياتي
مع اسمى ايات الشكر فائق الاحترام واطيب المنى رعاك الاله

[عبدالعزيز العمار]

الغالي هلال العنزي//

صح لسانك وعلا شااانك ..

قصيدة جزله من شاعر جزل لاهنت

تحياتي لك..

[حوريه]

هلال....

بوح رائع من شاعر رائع....

لاهنت ولاهان مغليك.......

صح لسانك مليون ولا هنتــــ.........

[ابومياس]

مساء الخير

نص يستحق الوقوف عليه

والتمعن في جمال مفرداته

صح لسانك وبيض الله وجهك

دمت بخير

[منصور العبدالله]

الخيـال الخصـب والشـعـر المثـيـر
للعـواصـف والعـواطـف مشـربـه

همـت ليـن الجـرح هلـل والبشيـر
عشـق فـي صـدري أعانـي بسبـبـه

شاعـرك نبـه ظمـا العـزف الضريـر
وإمتطـى صمتـه وصاحـه واكتـبـه

وارتكـى للـحـزن وآلام الهجـيـر
وامتحـن ذهنـه وشــدة منكـبـه




الله الله ياهلال العنزى

مع طول القصيده ونا بعد قرائه كل بيت اقول علها ماتخلص

جزل ياهلال ونبعك غزير ماشاء الله

لم يقل اى بيت عن ما سبقه بقوته وجزالته

وهذه ميزه الكبار

تقبل مرورى ومتابعتى