عشـــْــــر سنين

[فارس القوافي]

من الارشيف المدفون

قالوا من اكثر شخص قلبك يودّه = قلت الحقيقه طفلةٍ تسكن الروح
لا شفتها حزني وقف عند حدّه = تضحك لي الدنيا وتنساني جروح
لكنّ .. غابت عن ملاقاي مدّه = غابت عن اعيوني وبي جرح مفتوح
ياليتها ترجع وعمري تردّه = من عُقب ما غابت وانا آونّ وآنوح
كلّ المشاعر لاجلها مستعدّه = مشتاقها والشوق يزداد ويفوح
لي كم سنه أشكي ووقتي اعدّه = ولهان شوفتها ولي قلب مذبوح
ما سدّ قلبي ... شوفها ما يسدّه = ما ملّ شوفتها ولو صرت مطروح
( سنين عشر ) وطفلتي حلم اكدّه = حلم ٍ نما فيني وللخلق مفضوح
حلمٍ بنيته داخلي صعب اهدّه = مقدر على النسيان ما منه مصلوح
مهما كبرت وشاب راسي مااصدّه = حبٍّ بقلبي واضحٍ فيّ بوضوح
يكفي تراسلني وقلبي تودّه = ومهما بعدنا ساكنه وسط هالروح

[العصفور]

شكرا لإمتاعنا بإبداعك
لاهنت
تحياتي

[منيع]

ياسلام عليك
ابداع مؤلم
تسلم ياخالد
رعاك الله
تحياتي

[ماجد الراشد الهيري]

صح لسانك اخوي خالد وفارس قوافي متمكن
لاهنت اخوي على هالجمال الشعري النادر والقافيه الموسيقيه الجميله

[فارس القوافي]

شكرا لك ياعصفور

دمت بود

[منصور العبدالله]

ياليتهـا ترجـع وعمـري تـردّه
من عُقب ما غابت وانا آونّ وآنوح
كـلّ المشاعـر لاجلهـا مستعـدّه
مشتاقها والشـوق يـزداد ويفـوح


صح لسانك


يافارس القوافى

دائما جزل ياخالد

[سناعيس]

صح لسانك ياخالد
وبيض الله وجهك
ايه طلع اللي في الارشيف والمستخبي هههه
لاهنت

تحياتي

[الـزلـزال]

فارس القوافي

بوح مميز وجزل وجميل

من شاعر يطربنا بكل مايقدمه

مبدع ومتمكن في كل نصوصك رعاك الله

دمت ودام حرفك الفتان المميز الجزل

صح لسانك ملايين ملايين

ولك فائق تحياتي وتقديري

[حوريه]

أبيآت رآئعه
وذآئقه أروع
سلم لنا حرفك
وابداااعك

[راسي]

جزل ومبدع
لاهان راسك
تحيتي واحترامي