الشكر ل(الله)

[عبدالله الشويمان]

السلام عليكم ورحمة الله وبركاته..

اعزائي القراء اليكم هذه الابيات أتمنى ان ترتقي الى درجة الاعجاب..

يا ماحلا المكشات غرب الخشيبي=بين الفياض اللي عليها المزن هل
مزن الوسم من دخلته له صبيبي=وبالمربعانيه عليها الوبل عل
خيرٍ من الله جاء بدون تحسيبي=وخلا الفياض بعشبها كنها زل
نبتٍ فرش للقاع ونبته رغيبي=والشكر ل(الله) كاسي السهل والتل
واللي يخيم فيه فاله يطيبي=وإن سج رجله في نواحيه ما مل
جيته انا في يوم قبل المغيبي=في خوة اللي فيضة القلب محتل
ويا ماحلا المكشات غرب الخشيبي=بين الفياض اللي عليها المزن هل

عبدالله الشويمان-الرعد

[منيع]

ابيات اكثر من رائعة
شكرا لكم
تحياتي

[الطائر المهاجر]

جزل ومبدع
صح لسانك
ولاهان راسك
تحيتي واحترامي

[داعي الشوق]

صح لسانك يا بو بدر

ابيات رائعه في وصفها و معناها

لاهنت و صح لسانك مدد

[الطامي]

بو بدر
صح السانك ملايين
كشته طيبة عساها دائمه يارب
شكرا لك

[طوفـــان]

صح لسانك يابن شويمان ..

طرح رائع ، وجزل ..

تحياتي وتقديري ..

[ساهر الليل]

صح لسانك ياراعي الكشته

وانا ادور عليك ما لقيتك اثاريك مكشت

رائعه بروعة شاعريتك الفذه يابو بدر

تحياتي وودي

[عبدالله السويلم]

صح لسانك ملايين يابوبدر

ابيات رائعه بروعة راعيها

تحياتي لك

[نجم الإبداع]

الله الله

صح لسانك يابو بدر

ومصافحه ربيعيه رايقه

لاهنت

[عبدالله الشويمان]

المشاركة الأصلية كتبت بواسطة منيع

ابيات اكثر من رائعة
شكرا لكم
تحياتي

تسلم يابوحمد

واشكرك على الاطلاع.

دمت بخير وصحه وسلامه.