اصدت بقلبي

[ناصر عبيد الهواوي]

بهاذيل الزمان اصـدت بقلبـي ليـن راسـي شـاب=واكيد الدهـر حتـى الصبـر بـاح وقلـت الحيلـة
تبارك خالقي لـو خافقـي مـن صلـب يمكـن ذاب=لكنـه يحتمـل مـالا يطيـق الصـلـب ويشيـلـه
وانـا امنيـه دايـم بالرجـاوي وابـذل الاسـبـاب=واحكـك هالصـدى لـه بالمنـى واحـاول ازيلـه
لو انه يفقه ويعرف ظـروف الوقـت يمكـن تـاب=لكـن لأيامـه اللـي قـد تولـت ينتـحـي سيـلـه
وانا حاولت اوضح كـل مشكـل واشرحـه بكتـاب=لجـل يقنـع كديـشٍ قـال يـا مـا اكثـر تهاويلـه
خلي ان شافنـي مهمـوم افكـر فالزمـان ارتـاب=شجـي القلـب قالـوا مـن خلـي القلـب ياويـلـه
هموم القلب صارت وزعتين ال كـل وزعـة بـاب=مـن ادناهـن يمـوت وزادت الاخـرى غرابيـلـه
انـا مـن فقـد ربـعٍ غيبـوا بلحودهـم منصـاب=بهـم عـدل المسـار ومـن بعدهـم بانـت الميلـه
يفـز الـى ذكرهـم خافقـي فـزة قريـص الـداب=يصير بوضع لـو شافـه عـدوه كـان يـاوي لـه
تجنبـت المجالـس واعتزلـت النـاس والاصحـاب=على درب الهموم اجلس وما جـا معـه انـادي لـه
بعد لي ماضيٍ مـا ينسـي حتـى يشيـب غـراب=حـلاويـه ومسـاويـه وغـلاويــه وبهـاذيـلـه
يصيب القلب لا اطروا له هل (ا.ل.س..)هلع وارهاب=تمسيه الهموم امـع الغـروب وبـدري اتجـي لـه
فراقـه معطـبٍ لأعلـى شراييـن الفـواد اعطـاب=وعذره بـه غمـوض اعيـا هـل التحليـل تحليلـه
ال ظرفٍ جد جددت الرجا بـه ميـر ظنـي خـاب=الا يـا مـن لقلبـي لا طـواه اليـاس عـزي لـه
الى امسى الليل هجسه مع طواري خاطـره ينسـاب=متى شفتوا حزين الـى احتكـم حزنـه يغنـي لـه
الى طاب الرقاد ال عاشقيـن النـوم لـي ماطـاب=نديـم السهـر تـال الليـل يسمعـنـي مواويـلـه
ولا اغفي دام باقي قـدم عينـي كوكـبٍ مـا غـاب=الوّح لـه الـى اكهـب للمغيـب بكفـي اومـي لـه

[حوريه]

شـاعـرنا00 نـاصر الهـواوي

قـصيده رغـم ما يعـتريها من ألـم وحـزن00

صـغـت الـحرف بأبـدااااع وإتـقـان00

وســلااااااااااامتك من الهمـوم الأحزان شـاعـرنا

صـح قـلبكـ00

ودام حرفـكـ00

[ترانيم المطر]

لله درك ودر تميزك

جزل لا ياتي الا بالجزل

لاغريب في الإبداع عندما يأتي من هله

دمت ودام تميزك

تقبل تحيتي

[مبروك بن ماضي]

الفاضل : نـاصر الهـواوي
صح لسانك وجاد بيانك
وتسلم يمينك على هالشامخه
جزله من شاعر جزل
سجل الاعجاب والتقدير
تحياتي واحترامي ،

[الطائر المهاجر]

صح لسانك واعتلا شانك
وسلم بنانك وفكرك
تحياتي وتقديري

[حمود السكراني]

صح لسانك يالهواوي قصيدة مكتوبة بماء الذهب

شاعر جزل شد انتباهي هالبيتين في تصوير المعنى

بهاذيل الزمان اصدت بقلبي لين راسي شاب

واكيد الدهر حتى الصبر باح وقلت الحيلة

تبارك خالقي لو خافقي من صلب يمكن ذاب

لكنه يحتمل مالا يطيق الصلب ويشيله

سلم بوحك يالغلا

[فارس القوافي]

هلا بك ياناصر

ابداع وجزاله وتمكن

صح لسانك


لاهنت

يعطيك العافية


دمت بهذا التميز

[نجم الإبداع]

ارحب ياناصر

وصح لسانك على المصافحه الجزله

لاهنت ياشاعر

لاهنت

تقبل مروري

وتقديري

[الـزلـزال]

ناصر الهواوي
قصيدة متقنه ورائعه وجميله
من شاعر رائع ومتمكن في كل مايقدمه
أبدعت شاعرنا ولنا أمتعت
وغير مستغرب منك ماقدمته من تميز وأبداع
لأنك أهلآ له
صح لسانك ملايين ملايين
ولك فائق تحياتي وتقديري

[صعبة المنال]

صح لسانك

عودة للتجديد


صعووووب