خاطري مكسور

[هترل]

بسم الله الرحمن الرحيم

الابيات هذي خاصه بالاسهم واكيد الكل انكوى بنارها الله يعوض علينا وعليكم
وكنت كاتبها لاحد المحللين المشهورين بلسوق السعودي ومعرفه ( الذيب )
ابو مشعل ... لعل وعسى استطيع التعديل .. واستفيد من خبرته الطويله بلسوق
وهو ما حصل بالفعل .. ما قصر ابو مشعل الله يوفقه
والحقيقه انها اول محاوله شعريه لي اطرحها عبر المنتديات .. وكان ينقصها الوزن
والحمد لله والمنه .. بتوفيق الله سبحانه .. ثم بفضل تشجيع بعض الاخوان ونصائحهم
المستمره .. في منتدى الفطاحله .. وعلى راسهم الطائر المهاجر والكثير الذين اكن لهم كل الود والتقدير وصلت الى هذه المرحله
اتمنى اكون وفقت في الوزن المناسب للابيات والعذر والسموحه اذا فيه قصور

خسران انا خمسه ملايين وكسور =كيف يهتني لي بال هذي مصيبه
ياذيب ياليتك معي كنت دكتور =جروحي ترى ياخوك صارت عطيبه
اجلس مع العالم ولا ني بـمسرور =والسبَ الاسهم سوقها اش جابني به
افزع معي ياخوك لن بحرك بحور =والكفو مثلك كلنا ننتخيبه
تكفى يابو مشعل ترى الصدر منحور =وعلاجي عند الله بيدك تجيبه
من شاف حالي قال مسكين مسحور =لعبت به الدنيا وسافر حبيبه
مجبور اجر الصوت وانوح مجبور =قلبي مع الايام زايد لهيبه
لو لا الطمع عايش انا كنت مستور =انحر ثلاث نياق ما هي صعيبه
واليوم انا ياخوك نايم تحت سور =كداد .. ودربي خط مكه وطيبه
الله يجازيهم على حبكه الدور =قالو مؤشرنا نقاطه بجيبه
من جيوبنا(سوو ) عمارات وقصور =ومن الوهم حسره بنينا وخيبه
لا تلومني لا صرت ضايق ومقهور =توي شباب ان شفتني قلت شيبه
عجل علي مجمل وياذيب مشكور =جب لي طبيب ياخوك ولا طبيبه

[الطائر المهاجر]

صح لسانك
لا هنت
جزلة وطيبة من راس طيب
تحياتي

[صعبة المنال]

عجل علي مجمل ياذيب ومشكور
جب لي طبيب ياخوك ولا طبيبه

جزلة


صح لسانك

صعوووب

[الخنساء]

ياذيب ياليتك معي كنت دكتور
جروحي ترى ياخوك صارت عطيبه

صح لسانك مليووون ولايكفووون
قصيدة جزلة من شاعر متمكن
سلمت ودام حرفك

[عمر ال شيبي]

من جيوبنا(سوو ) عمارات وقصور
ومن الوهم حسره بنينا وخيبه

لا تلومني لا صرت ضايق ومقهور
توي شباب ان شفتني قلت شيبه

صح لسانك لا هنت ابد

طيبه من طيب

[منيع]

رائعه ومعبرة
شكرا لكم
تحياتي وتقديري

[سناعيس]

صح لسانك وبيض الله وجهك
جزله من شاعر جزل لاشك
لاهنت

تحياتي

[صعبة المنال]

اجلس مع العالم ولا ني بـمسرور
والسبه الاسهم سوقها اش جابني به

صح لسانك

صعوووب

[منصور العبدالله]

صح لساااااااانك هترررررررررررررل


جميله ومعبره

من جيوبنا(سوو ) عمارات وقصور
ومن الوهم حسره بنينا وخيبه

لا تلومني لا صرت ضايق ومقهور
توي شباب ان شفتني قلت شيبه


الله يعوض على الجميع

[مبروك بن ماضي]

هتلر:
صح لسانك
تقبل تحياتي ومروري ،