يسعد صباح اللي صباحه يسلي

[ترانيم المطر]

يسعد صباح اللي صباحه يسلي = ما أختار غيره لو هلي خيروني
شعره يناسبني وأنا في محلي = أرضيه لو كل العرب يزعلوني
لا شفت زوله قمت أرحب واهلي = وأهل له دمع الفرح من عيوني
لا من حكا حكيه أبد ما يملي = كامل وعقله مايخيّب ضنوني
يدلني في صمت لو ما يدلي = وأصدق مشاعرنا تزيد الشجوني
للضيقه اللي دايمه ما تحلي= وأبادله لو ما يبادل لحوني
مالي بغيره كل حيّن يولي =أنكرتهم من قبل لا ينكروني
أهل النمايم شمسهم لو تطلي = تحجب سناها صادقات المزوني

[زهرة اللوتس]

حجز ولي عودة
تليق بها

[داعي الشوق]

صح لسانك يالشاعرة ترانيم

معاني جميلة جدا

لها ابعاد عاطفية

لله دررررررررك

و صح لسانك مع التقدير لك

،،،،،،،،،،،،،،

[ترانيم المطر]

المشاركة الأصلية كتبت بواسطة زهرة اللوتس

حجز ولي عودة
تليق بها

تسلمين زهره

بإنتظار عودتك المميزه

[الطائر المهاجر]

سلمتي
وصح لسانك وقلبك
ولاهنتي
مع أطيب تحياتي

[بنت العز]

سلمتي ولاهنتي
صح لسانك
يعطيك العافيه
تحياتي

[الينوفي]

صح السانك

تحجب سناها صادقات المزونى


صح السااااانك





ومتابع لجديدك

الينوفى

[الـزلـزال]

ترانيم المطر
بوح عاطفي متقن ومميز وسلس
من شاعره متميزه ورائعه في كل ماتقدمه
شاهدنا في هذا البوح حنين و أشواق للمحبوب
يسعد مساك أختنا الغاليه ويسعد صباحك
ويسعدنا ببوحك الذي لا يمل
صح لسانك ملايين ملايين
ولك فائق تحياتي وتقديري

[الخنساء]

يدلني في صمت لو مـا يدلـي

وأصدق مشاعرنا تزيد الشجوني

للضيقه اللي دايمه مـا تحلـي

وأبادله لو مـا يبـادل لحونـي

مالي بغيره كـل حيّـن يولـي

أنكرتهم من قبـل لا ينكرونـي

أهل النمايم شمسهم لو تطلـي

تحجب سناها صادقات المزوني

صح لسانك مليون ولايكفون
قصيدة جزلة من شاعر جزل
سلمت ودام حرفك

[نجم الإبداع]

صح لسانك ترانيم

قصيده راقيه من شاعره متمكنه

لاهنتي شاعرتنا

لاهنتي

تقبلي مروري

وتقديري