الميدان ياحميدان

[الطائر المهاجر]

هلا ومرحبا بكم جميعار شعار وشاعرات الفطاحلة
وارحب بالخصوص بمن انضم لنا مؤخرا واقول لهم:

ياهلا ويامرحبا باللي لفى قصر الفطاحل = داخل قصره ولا هو بيننا مثل الغريب
اجتماع الشمل مكسب من رجاجيل افاضل= جوا يبوا جزل القوافي مايبوا شئ معيب

[ابو زياد]

ياهلابك ياعقيد الصرح ياراعي الفضايل=ياهلا بالكل معنا من قريب ومن صحيب

صح لسانك يابوعبدالله واترك الفرصة لمن هو اكفاء مني

ارحب ارحب والمعانى صغتها مانى بجامل
\\\\\\\\\\\\\ للوفى اللى علينا دايم بفعله يطيب
يابوعبدلله وصلنا عندكم نبغى نواصل
\\\\\\\\ بالرجوله والمشاعر كل شاعر لك مجيب

[الطائر المهاجر]

مرحبا بالذيب ولد الذيب من خير الحمايل = منك نتعلم طباع الحر بالفعل العجيب
لا شهق بالجو ما رده اجا وسلمى بحايل = ولا طويق بوسط نجد ولا جبال بالخصيب

اسلم اسلم
ابو عبدالله
وصح لسانك
وترانى مانى بحولك

منك نتعلم معلم // سيدى وافي الخصايل=كنت انا الجندى امامك // وانت في رتبة نقيب
لعينها سلمى لفيتك // هى واجا والعلم طايل=اكسر الحاجز من اجلك // لو وصوله هو صعيب

[الطائر المهاجر]

لاصعيب إلا وصول الظبي منسوع الجدايل = لانظرك برمش يسحر ماتلاقي له طبيب
الهوى ياعقاب سيله لاانحدر شايل المسايل= وانت خبري بك هواوي هات من بوحك نصيب

نقضت الجرح يالغالى

جاك هرج الصدق وربى // حامل اهموم ٍ ثقايل=يابو عبدالله ذبحنى // زاهى الوصف الرهيب
جيتها صادق مشاعر // واقبلت لى ما تحايل=صادقه نفس المشاعر // مابها شى ٍ يعيب

[الطائر المهاجر]

نقضتي للجرح عاني كود تمشي في القوايل= ومن نظر ممشاك يدري انك بجرح عطيب
عل تلقى من قرا لك كود ينسيك الهوايل = وتعرف ان الحب فنٍ يضبطه شخصٍ لبيب

ارقب نجوم السما بليله واخايل=بارق ٍ لى لاح من يم الحبيب
كان حظى تل واليوم يتهايل=والا من جوعه يجر الصوت ذيب

[ياسر حامد الجهني]

يا جماعة خير ما حدٍ ياثق بميزان مايل ....... والمريض ليا مرض لازم يودى للطبيب
من يسوي بالردي طيب ومعاريف وجمايل .... يعلم الله ياتي فيه جرح(ن) ما يطيب