من صيد الشات منيع×الطائر

[الطائر المهاجر]

جرت يوم الجمعه 22 ديسمبر 2017 الموافق 4 رييع الثاني 1439

منيع=
الرزق عند مدبر الكون كله=ماماتت النمله تحت صخرت القاع
الطائر=
ما قال تتبطح مثل من فيه عله=يقول اعمل واكسب الرزق بالساع
منيع=
حق التوكل لاتغادر محله=والسعي مطلوب على كل الاوضاع
الطائر=
فعل السبب واجب بكل الأدله=وبعده توكل وانت للخير طماع
منيع=
اكيد مابها ياالمفتى مزله=رهن الدليل اللي تقوله بالاجماع
الطائر=
تبي الصراحه وقتنا به مذله = ومن ذل نفسه يجمع المال بالصاع
خادم تويبع حصني ضمن شله=تسرق وتنهب مالقت من فم جياع
منيع=
اماتجي بجهد وجد تدله=ولاتراها مكسب مابها انفاع
وترك طريق الشر مع أي شله=ومرضات ربك حطها بين الاصباع
قليل به خير وتعرف محله=هذا تسمك به ولاتعرف اوجاع
الطائر=
الظاهر انك صرت مطوع ببدله=معه عصاه مضيع الراس والقاع
منيع=
هههههه صحيح ولاهي جبله=ان بقيتني مطوع اومغني مرتاع
الطائر=
امطوع وبالخفاء ان شاف شن شله=لاشاف ارنب تبعها بدقة اصباع
منيع=
الظاهر انك باالعقل فيك خله=واللي يساير مثلكم ماله اسناع
الطائر=
بديت في سيف الهجاء لي تسله= وتنسى لصحبتنا بصيف ومرباع
منيع=
طقيت بابي والحكي في سجله=ومن طق باب الناس يرهف للاسماع
الطائر=
طقيت بابك والحليله محله= ابي الضيافه ما ابي هجو لذاع
منيع=
انت متلون والحكي ماتمله=باخصك مهما قلت متغير اطباع
الطائر=
الواننا من ربنا اللي نجله = ماهوب عيب اني ملون ومطواع
منيع=
متلون طباع وكل هرجي تدله=وكل الذي سطرت ماله معي داع

[داعي الشوق]

صح لسانكم يا فطاحله

محاورة شاتيه رائعه ..

امتعتونا

[الطامي]

ياسلام
ابداع عمالقه
صح السنتكم
ولاهنتو
شكرا داعي على اتحافنا بها

[ملكة الشرق]

الله الله
جميل جدا
صح لسان الطامي
صح لسان منيع
ابدعتم

احترامي

[ملكة الشرق]

شفت صيد الشات
بس وين الشات رايح
تحية العطر