المهمل المنسي !!

[هلال مزعل العنزي]

عطش دامي أحسه والسفر مرهق=أبتنفس أبستجمع بعض أمسي
أبحيا شك وجداني بها المأزق=يقيني هزّه المجهول في رأسي
غروبك نور يقتاته جفا المشرق=تمرّد هاجسك وأهتزّ بي بأسي
سفر ترنيمة الهامس بلا منطق=عتب تلويحة الذابل على الممسي
لمحتك كبت بأسبابك غدى مطلق=وهمت بصمت جلساتي بعد همسي
دخيلك والأسى بالعاطفه أورق=وطفل الغربه آثرته على نفسي
كثير إكفوف زارتني قبل تغرق=وهزت جذع وجداني وجيت أرسي
أبادر كبريا حب ٍ وطعن أزرق=أعانقها وعاري حظها أكسي
أهمّش لذّة رقادي ولا تفرق=يهيم بضمّة الغيمة ضيا شمسي
ويوم اعتزت خلاني غديت أحمق=لقيت الوهم ينسج لي قلق حبسي
أنا يا صاح مريتك قبل تطرق=خفوقي يوم أشغلني بكم حدسي
أحس إيقاعك النّازف يبي يخنق=بقايا هامتي والوجد هو غرسي
إلا شفتك حزين أستصعبك وأرفق=لأنك في وناساتك سبب ونسي
وجيتك يوم أرهقني ضما" يحرق=كثر ما أدمنت ببحور الكِحِلْ غطسي
عدد ضيقة شراييني وظلم الحق=دبل ناس" فلا جتني على عرسي
أبي لي لو بعض فزعه أبسترزق=أبتشيخ مشاعر وامتطي كرسي
وش ذنوبي وباب العاطفه مغلق=وحلمي العاثر الخايف غدى عكسي
إذا منتب تواسيني وتتألق=وتنعش نكستي وتهين بي خرسي
ضروري تذكر لولفك وليف أوثق=مدام إني غديت المهمل المنسي

[منيع]

ياسلام عليك
لديك تجديد رائع في الحرف والمعنى
حلقت بي بعيدا في هذا النص المختلف
شكرا لك
تحياتي

[عذب القوافي]

صح لسانك

أبيات وافيه

من وافي

رائع أينما حللت

مودتي,,,,,,

[الأموره]

العنـزي

صح لسآنك ملايين

سلمت و سلم فكرك

الف شكر لك

دمت برعاية الخالق

[ابومياس]

صح لسانك وبيض الله وجهك

نص اعتلا قمة الهرم


سررت بمروري من هنا

دمت بخير

[الـزلـزال]

هلال مزعل العنزي


صح لسانك ملايين على هذا النص الراقي


لله درك


ونتطلع لكل أبداع منك



دمت بخير

[حوريه]

صح لسانك يالشاعر


قصيده في قمة الروووووعه


دمت ودااااااام عزك

[الطامي]

هلال العنزي
صح السانك وبنانك
رائعة وجزله
لاهنت عيني

[حسين العنسي]

الشاعر العذب هلا العنزي

صح لسانك ولاهنت

نص في قمة الروعة

تقبل مروي المتواضع ودمت متألقا

أخوك / العنسي..

[ام العمده]

الله الله الله
صح لسانك واعتلى شانك
وبيض الله وجهك
دمت بهذا الشموخ
دمت بخير