ليلة خميس(ن) خلاويه

[عبدالله الشويمان]

هذه الابيات في تاريخ 13-8-1430هـ

انتمنى ان تحوز على اعجاب الجميع.والشخصيات ..سليمان السكيبي (سناعيس).محمد الشمري (ابومياس)سعود سعد العتيبي(داعي الشوق،شعيل الزلامي العتيبي(اخو من طاع الله.

الوقت طاب وهجوسي باح=يا محمد اسمع غناويه
ثلاث عندي ليالي املاح=امن السنه كل شهريه
نصف الشهر والقمر فضاح=الليل تحلا حكاويه
في روضةٍ من رياض رماح=بالصيف ولا بشتويه
يبو اسعود اعزم المرواح=معنا وخوتك مشريه
انا على صحبتك ملحاح=انته وربعٍ شقرديه
علم سليمان وقل يا صاح=ترى الوعد بالمسائيه
باول محطه طريق رماح=ليلة خميسٍ خلاويه
وشف داعي الشوق وينه راح=خله يجي طيب النيه
وشعيل في حضرته مرباح=ذخر الخوي في مساريه
بالبر يا صاحبي ينزاح=ما كدر النفس من عيه
هبَّة نسيمه تشافي جراح=طب القلوب الهواويه

عبدالله الشويمان-الرعد

[داعي الشوق]

بيـّــض الله وجهك يا بو بدر

وصح لسانك مليوووووووون

قصيدة وافيه يالوافي

و خوّتك والاخوان تنشرى يالغالي

ماشاء الله عليك جمعتنا كلنا بالقصيدة

تسلم تسلم يالرعد

وصح لسانك مع التحية لك

ولاهنت

[ترانيم المطر]

يا سلام على الإبداع وأهله

يا ليتني رجال كان تلاقيني وياكم ههههههه

أحس إنها طلعه غير شكل

أسعدكم الله رحله موفقه

دمت ودام إبداعك

[زهرة اللوتس]

ابو بدر
سلمت وصح لسانك

جزلة من جزل
لاهنت

تحياتي

زهرة

[الطامي]

الشويمان
صح الاسنك ملايين
رحلة طيبة
ورفقة اطيب
شكرا لك

[داعي الشوق]

صح لسانك يالشاعر

قصيدة جميلة

تستحق العودة لها لجمالها

تحيتي لك

،،،،،،،،،،،،،،،،،،،

[عمر ال شيبي]

صح قلبك ويستاهلون


لا هنت ابد

[منيع]

ابيات رائعه ووصف اروع
وفي من يستحق الخوة
بارك الله فيكم
تحياتي لكم

[مبروك بن ماضي]

الاخ النبيل:
الشاعر القدير / عبدالله الشويمان
صح لسانك مدد بلا عدد
الأبداع دايماً وأبداً بصحبتك
سجل اعجابي القديم
وتقبل تحياتي وفايق الاحترام ،

[الطائر المهاجر]

مادام ناوين على المرواح في طريق رماح
الله يوفقكم
صح لسانك ولاهنت
تحياتي