( آخر الشوفه )

[سناعيس]

لانامت العين وانتي آخر الشوفه=ماهي مثل نومةٍ لانمت ماشفتك
يصير شوفي بها ياكن مخطوفه=بدموعها غارقه وتثير عاطفتك
يابسمتك لاختفت ماهيب مخلوفه =لانك معي دايماً شاريك ماعفتك
أيام عمري معك ماراحت حسوفه=تمضي سريعه علي من يوم والفتك
في نوتة الحب موسيقاك معزوفه=بكل الشرايين لين القلب عازفتك
الحب لك يالغلا لو ينثر حروفه=على جروح الالم ماهيب نازفتك
سنين عمرك معي لاشك معروفه =ولولاك لي المدد ماكنت ناصفتك
على اختباري ترا مانتي بمكلوفه=يامنتهى الذوق مهما كنت خالفتك

[عبدالله الشويمان]

الله الله يا النيزك

صح السااانك واعتلا شانك

ابيات عذبه راقت لي..جزاله معنى ومبنى

دمت بخير وصحه وسلامه ولا هنت

[عبدالمحسن الرحمه]

النيزك صح السانك وفكرك
والله جبتها على الجرح
الله يسلمك من كل شر

[الطامي]

النيزك
صح السانك ملايين
رائعة جدا
لاهنت اخي

[الـزلـزال]

النيزك

بوح مميز ومتقن وجزل
شاهدنا فيه تأكيد للمحبه مع عتب نيزكي خفيف وراقي
مبدع شاعرنا وممتع في حروف شعرك
دمت بكل خير وحب ودام لنا نبض حرفك
صح لسانك ملايين ملايين
ولك فائق تحياتي وتقديري

[فارس القوافي]

الله الله

صح لسانك

لاهنت


يعطيك العافية

دمت بخير

[كظيم]

النيزك
ياسلام ياسلام
صح لسانك وفكرك وقلبك
قصيده جزله ومحبوكـه
ابدعت في نظمهـا وسبكهـا
ابيات في منهتى العذوبـه
لله درك
تقبلني وتقبل مروري المتواضع لاهنت
ودي وتقديري

[منيع]

كل الروعة والابداع
تسلم اخي الكريم
تحياتي لكم

[داعي الشوق]

صح لسانك يا بو محمد

ابيات جميلة و معبرة و الوصف رائع

صح لسانك و لاهنت

************

[احمد الكثيري]

النيزك
ياسلام ياسلام ابيات ولا اجمل نثرت لنا الابداع الروعه
لك تقديري