الرجل لامن عطيته فوق مقداره

[الطائر المهاجر]

الرجل لامن عطيته فوق مقداره = إما تجوهر أو انه بان عذروبه
كانه تجوهرعرفت الطيب باخباره= ايقدرك بالخفى ويعليك برتوبه
وإلا لقيته خبيث بكل مشواره= لو حاول انه يغطي بان ملعوبه
الوقت يظهر بقايا هاجد غباره= ويبان لك معدنه لامن بدا ذوبه
تلقاه يمشي مع اللي بانت ادواره= من كل حاقد يشوفك دوم مطلوبه
حطّه رفيقٍ يسير بنفس مضماره= دام الهدف واحدٍ بعقول مطبوبه
مثل الخفافيش كلٍ حوله انصاره= تهوى الظلام وتنام بروس مقلوبه
من كل مخدوع في طبله ومزماره = ممن سبق له يشوفك تمغط لْثوبه
ما يدري انه تغيّر ولْبس دثاره = واصبح خصيمك ولو غطّيت لعيوبه
يحسبك تجهل بما يفعله باستاره= واللي يخطّط بنفسه او بمندوبه
ينسى بانك جبل ماهزه إعصاره= وبركان ياويل من حاول يجي صوبه
يحرق لطيرٍ خبيثٍ ينوي الغاره = من قبل يبدا تجيه اقدار مكتوبه
دربك وضوحٍ لمن قدامه انواره = ومن لابغى النور مسؤولٍ عن ذنوبه
ومن كان ظنه ذكي بخبث افكاره= ولا قدر افكار غيره تاهت دروبه

[ناصر عبيد الهواوي]

بارك الله فيك يابو عبد الله
جزلة وذات معنى فذ ومعبرة
عن مايعنيه قائلها
تسلم يمينك وقريحتك يالمهاجر
تحياتي وتقديري

[مجدي صالح المبارك]

بسم الله الرحمن الرحيم

الشاعر القدير ( د.عثمان العبدالله ) صح لسانك واعتلا شانك على هذه الأبيات التي أعتلت بطرف إبداعك وعذوبة كلماتك , لك مني فائق التقدير ودمت بكل خير .

[الطامي]

الطائر
استاذي العزيز
جزلة من جزل وهادفة بمعنى الكلمه
وشهادتي بك مجروحه
صح السانك وبنانك وفكرك
لاهنت وشكرا لك

[شوقي العامري]

صح لسانك على هذه الابيات الجميلة ولك تحياتي

[مبارك أبوظهير]

الله الله



صح لسانك يابوعبدالله



قصيده جدا جميله .. لاهنت لاهنت ..



لكني اسأل .. وراك ماسجلتها بصوتك العذب ..




والله والله إني أطرب لما أسمع لك ..




إعجابي ... غلاااااااااااااااي




م ن

[الطائر المهاجر]

هلا ابو نايف
تعال للشات الصوتي في الليل
ونسمعك وتسمعنا
حياك ربك
تحياتي

[رفيعة الشان]

ومن كان ظنه ذكـي بكـل افكـاره
ولا قدر افكار غيره تاهت دروبـه
اي والله
شاعرنا المهاجر
هو الذهول ما يعترينا
عندما نقرأ لك
هو الاندهاش هو الاعجاب بما تخط
هو ما لا يكفيه قولة صح لسانك
فلله درك

[عوض سحمان العتيبي]

ابو عبدالله

صح الساانك مليون ولا يسدوون

قصيده رااائعه

[حوريه]

طااائرنا المهااااجر

ابيات جميله ومعاني قويه وكلمات جزله

وبناء جميل و سلاسه وحبكه وجوده

ما أروع ماكتبتِ لنا .....

وما أجمل ما قرأنا......

صح قلبك حتى ترضى

ولاهنتـــ........

.