طواريـــــه

[سهيل الشمري]

فعلا طواريه لازالت على بالي=تسيّد العقل في سجّه وتفكيـره
عامين مافارقن طيفه ولازالي=تعبت من حالة ٍ ياكود تفسيره
للحين قدام عيني طيفـه الغالـي=وبْمسمعي ضحكةٍ ماشاقني غيـره
والمشكله له بقايـا دايـم اقْبالـي=سبْحتْه مع صورةٍ له حامل ٍ طيره
يالله تثبّتْه يـوم تْشـدّ الاهوالـي=يارب رحمتْك وان ضاعت تدابيره
رحل وكني بدونه مالي الوالي = رحل ولكن عسى لي بالصبر خيره
احس انا الحزن هو صوتي وموالي = والْيا سكتّ المدامع فاض به بيره
والرجل من كثْر ماتدْلج بتجوالي = لاساقها القلب وجْهة حدْري الدّيره
يم النّصايب ومنهو تحتها بالي = ياويل قلبي وحزني فضّح السيره

[محمد عبدالله البدراني]

سهيل الشمري
سلمه الله


قصيدة رائعه جزله حزينه بكائيه تشنف الاذان وتأسر القلوب
اسلوب سلس ونهر رقراق


مليون مليون صح السانك
وعلا شانك


دائما مبدع ياسهيل

لاعدمناك

تحيتي وتقديري

[حي الضمير]

الله يغفر له ويرحمه وجميع موتى المسلمين
قصيده مؤثره وابدعت في صياغتها يامميز
ومليااار صح لساااانك شاعرنا القدير سهيل

[عبدالله مذكر العقيلي]

نص رائع من شاعر مبدع

صح لسانك

ولله درك


والله لايهينك



تحيتي

[عبدالعزيز البليهد]

والرجل من كثْر ماتدْلج بتجوالـي

لاساقها القلب وجْهة حدْري الدّيره

يم النّصايب ومنهو تحتهـا بالـي

ياويل قلبي وحزني فضّح السيـره

الله يجبر مصيبتك ويحسن عزاك ويرحم فقيدك

رغم الحزن صح لسانك ولاهنت

[منيع]

اكثر من رائعه ومؤثره
غفرالله لنا وله ولجميع المسلمين والمسلمات
تحياتي لكم

[الطائر المهاجر]

احس انا الحزن هو صوتي وموالي
والْيا سكتّ المدامع فاض به بيـره

لا ما عليك عندك مناعة قويه
ليت لي قلبن مثل قلب الشمالي=اخضر قلبه ويقطف من عبيره

الله يغفر له ويرحمه
صح لسانك
ولا هنت
تحياتي

[صعبة المنال]

بوح جزل ووافى
صح لسانك وحرفك


صعووووووووب

[ترانيم المطر]

غفرالله لنا وله ولجميع المسلمين والمسلمات

رغم الحزن إلا إنها رائعه

دمت ودام تميزك

ودمت بود

[شجون القصيد]

غفر الله له ولموتى المسلمين

ابيات رائعه رغم الحزن

مؤثره الى حد الالم

صح لسانك ولافض فوووك

تحياتي