وش بقا خليت من حالي صحيح

[فهد حنس العتيبي]

ما استراح القلب وشلـون استريـح=لي ثلاث اسنين قلبي مـا استـراح
اتجلد فـي المقـام وفـي المطيـح=مايقـوم الحـظ,, لاعانـد وطـاح
الحشـاء ملهـود والخافـق جريـح=آه ,, وويـلاه ,, ياكبـر الجـراح
جرح قلبي سـم حالـي بالصحيـح=مت مـن سـم المحبـه والذحـاح
كم سهرت الليـل والممسـا, كليـح=ولا ,, يسـر الليـل مسـراح الصبـاح
والله انـي مـن سبايبهـا طـريـح=افزعوا لي ياهل الروس الصحـاح
يا مشاء الله ياهـاك الوجـه المليـح=ماتشـوف العيـن مثلـه بالـمـلاح
واسـع العينيـن بالرمـش الذبيـح=سهمها !! من عينها في القلـب راح
استقر بوسط قلبـي كيـف اصيـح=مايفيد اصياح مـن صيـح وصـاح
رمشٍ اسود همس سلهامـه امريـح=من وقوفه كنـه اطـراف الجنـاح
وخده الوضاح نـورٍ فـي صفيـح=مثل ضيح , البـرق لاشعشـع ولاح
وبسمةٍ فيها الشهـد عـذب ويسيـح=والثمان اللـي تـلالا ,, بالضحـاح
وخشمها ويلاه يالوصـف الصريـح=حد سيـفٍ مـن مصاقيـل السـلاح
والشعر طيـات وان حـول يطيـح=مثل عتم ,, الليل لا غطا , البـراح
وعن اوصوف الردف منكم نستبيـح=العذر ,, سبحـان خـلاق الشنـاح
لا قصيـر ولا بديـن ولا شحـيـح=بس طولـه فـي درجـات المبـاح
النبـاء معسـول والمنطـق فصيـح=والمعنـق عنـق كفـاخ الجـنـاح
وجد حالي وجد مـن حالـه كسيـح=مكسـره بالسـاق مـاذق المـراح
يتقـلـب ويتحـلـم بالـضـريـح=وصار في ساقه من الكسره اكسـاح
لـه ثمـان اشهـور يقـوم ويطيـح=عاف حلو النـوم واعلـوم المـزاح
واذكروا ,له طـب جبـارٍ نصيـح=بالشمال ومن ,وراء , وايسر سماح* ****
واركبوا ,,له من على الدرب الفسيح=ودوروا ,, الجبـار والجبـار راح
وعودوا ,, مافيه طـب ولا مديـح=ولاتهـنـوا بالطـعـام وبالـقـراح
وجد حالـي مثـل وجـده يامليـح=يامليـح منـك دم القـلـب فــاح
وش بقا ,, خليت من حالي صحيـح=باح سدي منـك , والمعلـوق بـاح

سماح : تقع الى الشمال الشرقي من رفحا على حدودنا مع العراق وانا مابعد جيتها

[الطائر المهاجر]

صح لسانك وقلبك
ولا هان راسك
جزلة من جزل وشاعر مبدع
ومتجدد الإبداع
ارحب يافهد
تحياتي الطيبة

[الطامي]

بن حنس
صح السانك
جزلة من جزل
لاهنت

[الأموره]

الله يالعتيبي

صح لسانك ملايين

سلمت و سلم فكرك

الف شكر لك

دمت برعاية الخالق

[منيع]

ابيات رائعة ومميزة
بارك الله فيكم
تحياتي وتقديري

[عبدالعزيز ابراهيم المنصور]

نَصّ رَائِع

وكَلِمَات فِي قِمَة الرَوعة

لافضّ فُوك

دُمْتَ بِخَير

[مبروك بن ماضي]

الاخ الشاعرالقدير/ فهد حنس العتيبي

صح لسانك ولاهان راسك

قصيده طيبة بطيب راعيها

تقبل مني أجمل تحية

واعجابي بما قرأت

[داعي الشوق]

صح لسآآآآآنك يالشاعر حنس

و الله يعينك على حالك

و الله إنك صعبت علي يالجريح

القصيدة خذتني للشمال يا خوك

تسلم يا حنس على القصيدة الرائعة

تصوير جميل مع وصف إحترافي

صح لسآآآنك مع التحية لك

[عذب القوافي]

الحشـاء ملـهـود والخـافـق جـريـح=آه ,, وويــلاه ,, يـاكـبـر الـجــراح

صح لسانك أخوي فهد

جزل من جزل وعوايدك الجزال

تقديري ,,,,,

[عبدالله خالد البكر]

الحـشـاء ملـهـود والخـافـق جـريـح
آه ,, وويــلاه ,, يـاكـبـر الـجــراح


صح لساااانك وسلمتك بنانك اخوي فهد
لاهنت ولاهان غاليك
تقبل مروري