الوداعيه :روحي بامان الله (بالصوت)

[الطائر المهاجر]

روحي بامـان الله دربك تسـاهيل = حبٍّ بديتـه اتـركه باقتنــاعي
روحي مثـل حلمٍٍ طرا تالي الليل = ثـمٍٍٍّ نسيته بعـد ما اصبحت واعي
امن اولٍ والقـلب يغـليك بالحيل = لاجـلك رضيت بعزلتي وانقطاعي
ومن اولٍ مارضى بك القال والقيل = ياويـل من يطـريك بالشرّ ساعي
اليـوم غير الأمس جمله وتفصيل = دربٍ جمعنـا ينتهي بالــوداعي
كلٍ بدربه راضيٍ دون تعديل = وصعب التلاقي في طريق الضياعي
مقدر على حبٍ به الزيف والميل = حبّي وضوح ولا لبست القناعي
ولا اقدر على حبٍّ يـذلّ الرجاجيل = ولا نيب من في الحب يلوا ذراعي
ارفع مناحيهـا واجنّب عن السيل = وابحث عن اللي قلبهـا لي يراعي
حبٍّ أصيـلٍ معـدنه لمعة سهيل = ما يرتجي مطمع ولاهـو مشاعي
يعـرف سمو الحب عن اي تمثيل = ما يهتنـي بالنـوم والحبّ واعي
حبٍّ بلا ايثـار خـدعه وتظـليل = ما يستمر الحب دامه صناعي
غرّك هـل التطبيل في كل تبجيل = ماعاد لك في صاحب الصدق داعي
يا ما تحمّلتـك ابي بعض تدليـل = لكن اشوفك ناويه بالخداعي
روحي مع النسيان ذوقي من الويل = من بعض ما ذقته وانا بالتيـاعي

[عبدالله الشويمان]

لله درك يا ابو عبدالله على هذه الابيات الساحره.

صح السانك.يا الغالي

حبٍّ بـلا ايثـار خدعـه وتظليـل

ما يستمر الحـب دامـه صناعـي


الله اللله الله

على هذه الدره الثمينه

الله على الشموخ والعزه

يحب يذل ما لنا به دااعي

الله الله على القصيد الجزل

د/ عثمان العبدالله


شاعر وبقوووووووووووووووووه

يكفي لو ما بقي من الشعراء الا انت

صح لسااانك ولا هنت


تحياتي لك




اختك / الرااااااااااااااااااااااااا سية

روحي بامان الله دربـك تساهيـل
حـبٍّ بديتـه اتركـه باقتنـاعـي
روحي مثل حلمٍٍ طرا تالـي الليـل
ثمٍٍٍّ نسيته بعد ما اصبحـت واعـي
امن اولٍ والقلـب يغليـك بالحيـل
لاجلك رضيت بعزلتي وانقطاعـي
ومن اولٍ مارضى بك القال والقيل
ياويل من يطريك بالشـرّ ساعـي
اليوم غير الأمس جمله وتفصيـل
دربٍ جمعنـا ينتهـي بالوداعـي
كلٍ بدربـه راضـيٍ دون تعديـل
وصعب التلاقي في طريق الضياعي
مقدر على حبٍ به الزيف والميـل
حبّي وضوح ولا لبست القناعـي
ولا اقدر على حبٍّ يذلّ الرجاجيـل
ولا نيب من في الحب يلوا ذراعي
ارفع مناحيها واجنّب عن السيـل
وابحث عن اللي قلبها لي يراعـي
حبٍّ أصيلٍ معدنـه لمعـة سهيـل
ما يرتجي مطمع ولاهـو مشاعـي
يعرف سمو الحب عن اي تمثيـل
ما يهتني بالنوم والحـبّ واعـي
حبٍّ بـلا ايثـار خدعـه وتظليـل
ما يستمر الحـب دامـه صناعـي
غرّك هل التطبيل في كـل تبجيـل
ماعاد لك في صاحب الصدق داعي
يا ما تحمّلتك ابـي بعـض تدليـل
لكـن اشوفـك ناويـه بالخداعـي
روحي مع النسيان ذوقي من الويل
من بعض ما ذقته وانـا بالتياعـي

د. عثمان العبدالله ..

صح السااااانك يالقرم ولاهنت ..

جزله ..

تحيتي لك / مشاعر حالمه ..

[ابو زياد]

صح لسانك يابوعبدالله
رائعة بروعة حظورك

[سناعيس]

ولا اقدر على حبٍّ يذلّ الرجاجيـل 000 ولا نيب من في الحب يلوا ذراعي

الطائر المهاجر
صح لسانك
قصيدة رائعه وجزله
ولكن على من يدخل هذا البحر من الحب يجب أن يتأهب الى كل أمواجه

تحياتي

روحي مع النسيان ذوقي من الويل
من بعض ما ذقته وانـا بالتياعـي

مشرفنا القدير وقائدنا الفذ
صح لسانك على هذه المعزوفة
بس إللي مثلك وأنا أخوك الآن ما يكتب فالغزل
هههههههههههههههههه
هوووووووواوي
رائعة بكل ما تعنيه كلمة رائعة
تقبل تحيتي

[الطائر المهاجر]

هلا بكم جميعا ومشكورين على
كريم الحضور والتفاعل المميز
أخي محمد السفري
الشاعر هو من يكتب في كل اغراض الشعر
وهذا ما فعلته ، وكما تعلم فليس كل مايقوله
الشاعر بوحاً ، فالله سبحانه وتعالى وهبنا نعمة الخيال.
لاهنت يالغالي ولا هان كل من حضر
مع أطيب تحياتي لكم جميعا

[منيع]

فالله سبحانه وتعالى وهبنا نعمة الخيال
---------
الله يديم عليك نعمة الخيال
تسلم يابوعبدالله
تراك رجعتنا للورى كذا سنه ماني معلم
ولالي عوده
تليق بهذه الشامخة

أديبنا الراقي : أبوعبدالله

ــــــــــــــــــ

يابوعبدالله خربت علينا ،،

بويتاتنا ،،،،


لأخفيك نزف مهما كان راقياً الأرقى كذلك به

قدرة تخاطبك وأحتوائك للموقف ،،

الراقي المبدع العلم : أبوعبدالله

الله يبطي بك حي ولايحرمنا منك

وصح لسانك حتى ترضى


النفيعي