محاورة مساء الخميس على الشات 1/5/08

[الطامي]

قلبي خضر ياصاحبي وين اوديه = قل لي بربك يابن منشار قل لي(سناعيس)
قفل عليه ولا تطاوع مناديه = من قبل يعشق وانت عقبه تجلي(فلاح)
ضاعت مفاتيحه والأقفال تنعيه = له مدة ياخوي وهوا مولي(سناعيس)
لاجيت تلقا القاف بالشات مركيه= ياكود نلحق للجماعه نصلي(سناعيس)
قلبي كما قلبك ولا ني مزكيه= يهوى ولولا الصبر كان امس علي(فلاح)
لامال قلبك دور اللي يهنيه = دامك تتل النفس والرجل تلي(سناعيس)
على الشريعه نكرمه في مراميه = واما الهوى ياصاح خله يولي(فلاح)
غصب علينا ياصحيبي نداريه = قلب العنا لا صار له من يسلي(سناعيس)
مانا من الي يتبعه في خطاويه = يطيعني لو صاحبه في حولي(فلاح)
قلبك يطاوع لاحصل من يواسيه =لكن انا ياصاحبي ما حصلي(سناعيس)
اليا مرض ناديت ربي يشافيه = واقراء عليه العصر وقت التجلي(فلاح)
حب البني الناس شافت مواريه = على جميع الخلق اصبح مدلي(سناعيس)
ياخوي قلبي صالي الهم طاويه= ماعاد يحسب حب ليلى ونلي(فلاح)
لا من قلبك ابلشك حيل أكويه = واضرب على الكايد وخله يهلي(سناعيس)
اعرف علاجه واعرف الي يداويه= سجده لرب البيت حتى يصلي(فلاح)
الله ومر بالنفس لازم نزكيه = ولا هو حرام الحب والا التسلي(سناعيس)
من وين جبت العلم ياكيف تفريه = من حلل المتعه لقلبن يكلي(فلاح)
ماضنتي قلبي تر الحب يغويه = لكن طبيعه من الهوى يبي يحلي(سناعيس)
القلب من طاعه غرق في بلاويه= يهوى الجمال وصاحبي مافطن لي(فلاح)
من هو الذي يقدر يخالف طواريه = لاجاك غرو في جماله يذلي(سناعيس)
القلب لامنك زجرته وناويه = يخضع كما تخضع للاعلام دلي(فلاح)
قلبك على كيفك ياخويه تمشيه = اما انا قلبي كثير التغلي(سناعيس)
القلب لحمه وانت تقدر تمشيه= على السراط المستقيم المظلي(فلاح)
هذا الكلام اللي تقوله يخليه = يدله مع الغزلان من غير حلي(سناعيس)
مادامك انت الي بنفسك تعنيه= مافي يدي حيله لنصحن مملي (فلاح)
اشوف قلبك واتحدا تسريه = لا شاف من هو بالحلا مستقلي (سناعيس)
كان الهوى من قبل ماكبر هقاويه = واليوم مابالقلب غير التصلي (فلاح)

[سناعيس]

الله لايهينك أخوي الكاشف
على هذا الجهد الرائع والغير مستغرب

تحياتي

[حي الضمير]

مجهود رائع يامنصور وماقصرت يالطيب

[ابراهيم عبدالحميد]

الكاشف/ منصور المرى

سلمت يداك أخى و دام مجهودك الراقى

[الطامي]

شكرا للجميع على المرور والمتابعه
ولاهنتو جميعا

[نجم الإبداع]

شكرا اخوي منصور على مجهودك الطيب

لاعدمتك

[عبدالله المسعودي]

صح لسان الشعر1ء ..؛
يعطيك العافية الكاشف ..؛

[عبدالله راشد الثويني]

محاااااوره ممتعه الصراحه

الله يعطيكم العافيه

والله يعينك ياسناعيس على هالقلب المولي على قولتك هههههههههههههههههه


تحيتي

اااااااااااااارحبوا مليون على الابداع





بيض الله وجهكم وصح لسانكم جميع





والله يشفي القلوب ويجعلها على حب الطاعة دووووووووووووووم

[محمد عوض المحيلبي]

الله يعطيك العافيه للنقل المميز