شهر الاحسان

[نجم الإبداع]

يامرحبا واهلين ياشهر الاحسان=يالي قدومك خير في كل ديره
شهر التقى والبذل في كل ميدان=فيما تقدم والعصور الاخيره
شهر الهدى رحمه على كل الاوطان=خصوص من هم يسكنون الجزيره
يفرح به المسلم ويعلى به الشان=والنفس في رمضان تغدي قريره
الصوم للمومن من الذنب غفران=ماتاه عنه اهل العقول البصيره
يومه سياحة قلب وصيانة السان=والليل عيد وللتراويح خيره
يابخت من صامه وقامه بحسبان=وادى حقوق الله بصدق السريره
الصوم جنه فيه للروح سلوان =وقراية المصحف واحاديث سيره
فيه الدوى لقلوب فيها الهوى ران=عوده لرب البيت ودروب نيره
يالله تقبل صومنا وانت منان = واغفر كبائر ذنبنا والصغيره

[صعبة المنال]

مبارك عليك الشهر

جزلة ووافية

صح لسانك وحرفك

[منيع]

ابيات رائعه ومعبره
ومبارك الله عليكم الشهر
وجعلك الله من صيامه وقيامه
تحياتي لكم

[الطائر المهاجر]

صح لسانك
ولا هنت
وكل علم وانتم بخير
تحياتي

[نافع بن محمد البويت]

لاهنت الله يجزاك كل خير
صح لسانك حرفك

[حي الضمير]

الله يتقبل من الجميع الطاعات في هذا الشهر الفضيل ويبلغناه
ويعيننا على صيامه وقيامه
وابدعت يامميز

[سناعيس]

صح لسانك يابو محمد
على هذه القصيدة الايمانيه
لاهنت
تحياتي

[ترانيم المطر]

ومبارك الله عليكم الشهر
وجعلك الله من صيامه وقيامه
تحياتي لكم

لا هنت

[عبدالله راشد الثويني]

شاعرنا الغالي / فلاح بن منشار
صح لسانك ملايين ولا يكفون ابدعت يالغالي
وكل عام وانت بخير
والله يقبـّل منا ومنكم صالح الاعمال
كل الوُد

[نفحات حساسة]

صح السانك اخوى.. ولاهنت
قصيده رائعه كما عودتنا
يعطيك العافيه
تحياتى..